నంద‌మూరి అభిమానులు ఎప్ప‌టి నుంచో ఎదురు చూస్తున్న శుభ త‌రుణం.. ఈ యేడాదే రాబోతోందా? అందుకు బాల‌కృష్ణ పుట్టిన రోజు... శుభ‌ముహూర్తంగా మార‌నుందా? ప‌్ర‌స్తుతం టాలీవుడ్ అంతా ఇదే చర్చ. మోక్ష‌జ్ఞ ఎంట్రీ కోసం నంద‌మూరి అభిమానులు ఎప్ప‌టి నుంచో ఎదురు చూస్తున్నారు. బాల‌య్య కూడా `త్వ‌ర‌లోనే వ‌స్తాడు` అని ఊరిస్తున్నాడు. ఇప్పుడు అందుకు క‌స‌ర‌త్తుల‌న్నీ పూర్త‌వుతున్న‌ట్టు టాక్‌. ఈ యేడాది జూన్‌లో.. స‌రిగ్గా బాల‌య్య పుట్టిన రోజు న.. మోక్ష‌జ్ఞ ఎంట్రీ ఇవ్వ‌బోతున్నాడ‌ని స‌మాచారం.
పూరి జ‌గ‌న్నాథ్ ద‌ర్శ‌క‌త్వంలో మోక్షు ఎంట్రీ ఖాయ‌మైంద‌ని, ఈ సినిమా భారీ స్థాయిలో, పాన్ ఇండియా లెవ‌ల్ లో ఉండ‌బోతోంద‌ని గుస‌గుస‌లు వినిపిస్తున్నాయి. పైసా వ‌సూల్ త‌ర‌వాత.. బాల‌య్య - పూరి కాంబో సెట్ అవ్వాల్సివుంది. అయితే బాల‌య్య మాత్రం `మోక్ష‌జ్ఞ కోసం క‌థ రెడీ చేయ్‌` అని పూరిని కోరిన‌ట్టు తెలుస్తోంది. క‌థ‌ల విష‌యంలో పూరి య‌మ స్పీడుగా ఉంటాడు. అందుకే.. ఇప్ప‌టికే మోక్షు కోసం క‌థ రెడీ చేసేశాడ‌ని స‌మాచారం. మోక్ష‌జ్ఞ కాస్త బొద్దుగా ఉంటాడు. త‌ను ఈమ‌ధ్య ఫిట్ నెస్‌పై దృష్టి పెట్టాడ‌ని, న‌ట‌న‌కు సంబంధించిన మెళ‌కువ‌లు కూడా ఔపోశాన ప‌ట్టేస్తున్నాడ‌ని స‌మాచారం.
