నాని తాజా చిత్రం 'గ్యాంగ్‌లీడర్‌' టీజర్‌ విడుదలైంది. ఫస్ట్‌లుక్‌తో ఇంట్రెస్ట్‌ క్రియేట్‌ చేసిన నాని టీజర్‌తో స్పెషల్‌ కిక్‌ ఇచ్చాడు. 'నా గ్యాంగ్‌, విక్రమ్‌ కథ, అనిరుధ్‌ సౌండ్‌, మైత్రీ డబ్బు.. మీ ఎంటర్‌టైన్‌మెంట్‌' అంటూ క్యాప్షన్‌ ఇచ్చి ఈ టీజర్‌ని వదిలాడు నాని. చెప్పినట్లుగానే 'గ్యాంగ్‌లీడర్‌' టీజర్‌ ఆకట్టుకుంటోంది. విడుదలైన కాసేపటి నుండే రెస్పాన్స్‌ అదిరిపోతోంది. ఇంతకీ టీజర్‌లో నాని ఏం చేశాడంటే, నాని ఓ ఫేమస్‌ రివేంజ్‌ రైటర్‌. ఆయన పేరు పెన్సిల్‌. భలేగుంది కదా. అక్కడే నాని తన మార్క్‌ మార్కులు కొట్టేశాడు.
ఇక గ్యాంగ్‌ విషయానికొస్తే, ఓ పాపతో సహా నలుగురు లేడీస్‌ నాని దగ్గరకు వస్తారు. నాని ద్వారా వారి పగ తీర్చుకుంటుంటారు. ఈ క్రమంలో హీరో, హీరోయిన్‌ మధ్య కొన్ని రొమాంటిక్‌ సీన్స్‌ కూడా నడుస్తాయి. కానీ, ఈ రిలేషన్‌షిప్స్‌ నా దగ్గర కాదు. మనకు ఓన్లీ పగే ముఖ్యం పగే.. అంటూ నాని వెర్షన్‌లో చెప్పే డైలాగ్‌ నవ్వులు పూయిస్తుంది.
ఒక సీన్‌లో నాని స్టైల్‌గా బ్లాక్‌ గాగుల్స్‌ పెట్టుకుని, మీరు కూడా పెట్టుకోండంటే, ఇంటి దగ్గర పెట్టేసి వచ్చాం.. అని లేడీస్‌ గ్యాంగ్‌ చెప్పే డైలాగ్స్‌ ఎంటర్‌టైనింగ్‌గా ఉన్నాయి. టోటల్‌గా విక్రమ్‌ కుమార్‌ కథ, అనిరుధ్‌ సౌండింగ్‌ సినిమాకి బాగా వర్కవుట్‌ అయ్యి ఆడియన్స్‌ని ఎంటర్‌టైన్‌ చేసేలానే ఉన్నాయి. ఈ మధ్య సీరియస్‌ మూవీస్‌తో ఫ్యాన్స్‌ని ఎమోషనల్‌గా కట్టి పడేసిన నాని 'గ్యాంగ్‌లీడర్‌'తో కామెడీ రిలీఫ్‌ ఇవ్వనున్నాడని పక్కాగా టీజర్‌తో అర్ధమైపోయింది. ఆగస్ట్‌లో 'గ్యాంగ్‌లీడర్‌' ప్రేక్షకుల ముందుకు రానుంది.
