హెచ్చరికలేంటీ? హీరోకి శత్రువులేంటీ? అనుకుంటున్నారా? హీరోలు విలన్స్‌గా మారుతున్నారు కదా.. మరి శత్రువులుంటారు. అవునండీ.. మీరు విన్నది నిజమే. మన యంగ్‌ హీరోలు రీల్‌ విలన్స్‌గా మారి, తమలోని డిఫరెంట్‌ టాలెంట్‌ని బయటికి తీస్తున్న సంగతి తెలిసిందే. ఆది పినిశెట్టి, సుధీర్‌బాబు, కార్తికేయ తదితరులు ఇప్పటికే విలన్స్‌గా సత్తా చాటారు. ఇక మన నేచురల్‌ స్టార్‌ నాని 'వి' సినిమాతో నేచురల్‌ విలనిజం చూపించబోతున్న సంగతి తెలిసిందే. ఈ సినిమాని ఉగాదికి ప్రేక్షకుల ముందుకు తీసుకురాబోతున్నామని ప్రకటిస్తూ, ఓ పోస్టర్‌ రిలీజ్‌ చేసింది చిత్ర యూనిట్‌.
పోస్టర్‌పై 'ఈ క్షణం నుండీ నా శత్రువులకు నా దయా దాక్షిణ్యాలే దిక్కు.. విలియమ్‌ షేక్స్‌పియర్‌. నా శత్రువులందరూ జాగ్రత్తగా ఉండంది. వచ్చే ఉగాది నుండి ఆట, వేట మొదలు..' అని పేర్కొంది. అంటే నాని క్యారెక్టర్‌ని ఇన్‌డైరెక్ట్‌గా ఈ క్యాప్షన్‌ ద్వారా చెప్పే ప్రయత్నం చేసింది చిత్ర యూనిట్‌. ఇంద్రగంటి మోహన్‌ కృష్ణ దర్శకత్వంలో తెరకెక్కుతోన్న ఈ చిత్రంలో సుధీర్‌ బాబు హీరోగా నటిస్తుండగా, అదితీ రావ్‌ హైదరీ, నివేధా థామస్‌ హీరోయిన్లుగా నటిస్తున్నారు. లేటెస్ట్‌గా విడుదలైన ఈ పోస్టర్‌కి 'వైలెన్స్‌ కావాలన్నారుగా..ఇస్తా.. ఉగాదికి సాలీడ్‌గా ఇస్తా..' అంటూ నేచురల్‌ స్టార్‌ నాని స్పందిస్తూ, 'వి' రిలీజ్‌ డేట్‌ని ఇంకోసారి కన్‌ఫామ్‌ చేశారు.
