నేచురల్ స్టార్ నాని, సుధీర్‌ బాబు కాంబినేషన్‌లో ఓ సినిమా తెరకెక్కుతోన్న సంగతి తెలిసిందే. ఇంద్రగంటి మోహన్‌కృష్ణ ఈ సినిమాకి దర్శకుడు. ఈ సినిమాకి 'వ్యూహం' అనే టైటిల్‌ ప్రచారంలో ఉంది. అయితే, ఈ సినిమాకి టైటిల్‌ 'వ్యూహం' కాదనీ, ఓ క్లాసిక్‌ టైటిల్‌ని ఈ సినిమా కోసం పరిశీలిస్తున్నట్లు తాజా సమాచారమ్‌. త్వరలోనే ఈ టైటిల్‌ని కన్‌ఫామ్‌ చేస్తూ ఫస్ట్‌లుక్‌ విడుదల చేయబోతున్నారనీ అత్యంత విశ్వసనీయ వర్గాల ద్వారా అందుతోన్న సమాచారమ్‌.
ఇదిలా ఉంటే, నివేదా థామస్‌, అదితీ రావ్‌ హైదరీ హీరోయిన్లుగా నటిస్తున్నారనే ప్రచారం కూడా వాడుకలో ఉంది. కానీ ఇంకా హీరోయిన్స్‌ విషయంలోనూ క్లారిటీ రాలేదట. ఈ సినిమాలో నాని నెగిటివ్‌ షేడ్స్‌ ఉన్న రోల్‌లో కనిపించబోతున్నాడట. నానిలోని కొత్త నటుడు ఈ సినిమా ద్వారా ఆవిష్కరించబడతాడనే పొగ అయితే రాజుకుంటోంది. నిప్పు లేనిదే పొగ రాదు కదా. ఏమో ఈ సారి నాని ఎలాంటి యాంగిల్‌ని పరిచయం చేయనున్నాడో.
మొత్తానికి 'వ్యూహం' (వాడుకలో ఉన్న టైటిల్‌) తో నాని మరో కొత్త ప్రయోగమేదో చేసేలానే ఉన్నాడు మరి చూడాలిక. ప్రస్తుతానికి నాని 'జెర్సీ' సక్సెస్‌ని ఎంజాయ్‌ చేసే మూడ్‌లో ఉన్నాడు. ఈ సినిమాపై పెట్టుకున్న నమ్మకాన్ని ఆడియన్స్‌ నిజం చేశారు. మంచి కంటెన్ట్‌ ఉన్న సినిమాకి సరైన వర్డిక్ట్‌ ఇచ్చినందుకు అభిమానులకు ధన్యవాదాలు చెబుతున్నారు నేచురల్ స్టార్ నాని.
