అందాల రాక్షసి సినిమాతో తెలుగు తెరపై ఎంట్రీ ఇచ్చిన నవీన్ చంద్ర ఆ తర్వాత కొన్ని చిత్రాల్లో నటించాడు. కానీ.. అంత సక్సెస్ సాధించలేకపోయారు. ఇటీవలే, నేచురల్ స్టార్ నాని నటించిన 'నేను లోకల్', దేవదాస్ సినిమాల్లో ఇంపార్టెంట్ రోల్స్ పోషించాడు. తాజాగా జూ.ఎన్టీఆర్ నటించిన అరవింద సమేత సినిమాలో విలన్ పాత్రలో కనిపించారు. జగపతి బాబు కొడుకుగా బాలిరెడ్డి పాత్రలో నటించి మంచి గుర్తింపు తెచ్చుకున్నాడు.
ఇదిలాఉంటే.. ప్రస్తుతం సినీ పరిశ్రమలో పైరసీ పెనుభూతంగా మారింది. ఈ పైరసీ నేపథ్యంలో నవీన్ చంద్ర తాజాగా ఓ తెలుగు సినిమా సైన్ చేసారు. ఇంత వరకూ ఎవరూ టచ్ చేయని కథాంశంతో దర్శకుడు జిఎస్ కార్తీక్ తెరకెక్కించబోతున్న ఈ సినిమాకి "హీరో హీరోయిన్" అనేది టైటిల్. 'ఏ పైరేటెడ్ లవ్ స్టోరీ' అనేది ట్యాగ్ లైన్. గాయత్రి సురేష్, పూజా జవేరి హీరోయిన్లుగా నటిస్తున్న ఈ చిత్రం త్వరలో సెట్స్ పైకి వెళ్లనుంది.
