మెగా హీరోయిన్‌ మళ్లీ వస్తోంది

By iQlikMovies - June 14, 2018 - 11:48 AM IST

మరిన్ని వార్తలు

'ఒక మనసు' చిత్రంతో తొలిసారిగా మెగా ఫ్యామిలీ నుండి హీరోయిన్‌గా తెరంగేట్రం చేసింది మెగా డాటర్‌ నిహారిక. అయితే తొలి సినిమా ఆమెకు భారీగా నిరాశను మిగిల్చింది. ఆ తర్వాత నిహారిక నుండి మరో సినిమా రాలేదు. కానీ ఈ మధ్య తమిళంలో ఓ సినిమాలో నటించింది. కామెడీ ఎంటర్‌టైనర్‌గా తెరకెక్కిన ఈ చిత్రంలో నిహారిక చాలా జోవియల్‌గా కనిపించింది. అయితే ఈ సినిమా తెలుగులో విడుదల కాలేదు కానీ అది వేరే విషయం. ఇకపోతే తెలుగులో మళ్లీ నిహారిక ఎంట్రీ ఇస్తోన్న సినిమా 'హ్యాపీ వెడ్డింగ్‌'.

సుమంత్‌ అశ్విన్‌ హీరోగా నటిస్తున్నాడు. లక్ష్మణ్‌ ఈ సినిమాకి దర్శకత్వం వహిస్తున్నాడు. టైటిల్‌లోనే ఉంది కదా, ఇదేదో పెళ్లి నేపథ్యంలో సాగే కథ అని. పెళ్లి కుదిరిన రోజు నుండీ, పెళ్లి జరిగే వరకూ హీరో, హీరోయిన్‌ ఇరు కుటుంబాల మధ్య సాగే పరిస్థితుల ను ఆధారంగా ఈ సినిమా తెరకెక్కిస్తున్నారట. తెలుగు సంస్కృతీ సాంప్రదాయాలకు అద్దం పట్టేలా ఈ చిత్రం కథా, కథనం ఉండనుందట. అంతేకాదు, వియ్యాల వారి మధ్య జరిగే గిల్లికజ్జాలను, అలాగే ఆప్యాయతా, అనురాగాలను చాలా సరదా సరదాగా చూపించనున్నారట.

ఎన్నో ప్రతిష్ఠాత్మక చిత్రాలను సక్సెస్‌ఫుల్‌గా తెరకెక్కించిన యూవీ క్రియేషన్స్‌ సంస్థ, పాకెట్‌ సినిమా సంయుక్తంగా ఈ చిత్రాన్ని నిర్మిస్తున్నారు. ఇకపోతే, నిహారిక తొలి సినిమాలో సీరియస్‌గా, మూడీగా కనిపించి బోర్‌ కొట్టించేసింది. కానీ ఈ సినిమాలో ఫుల్‌ జోష్‌గా కనిపించనుంది. ఈ ట్రెండ్‌కి తగ్గ అమ్మాయిగా మోడ్రన్‌ అండ్‌ ట్రెడిషనల్‌ లుక్‌లో నిహారిక కనిపించనుంది. త్వరలోనే సినిమాని ప్రేక్షకుల ముందుకు తీసుకొచ్చే యోచనలో చిత్ర యూనిట్‌ ఉంది.


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS