నిఖిల్‌ - సుధీర్‌ వర్మ కాంబినేషన్‌లో వచ్చిన 'స్వామి రారా' సినిమా సింపుల్లీ సూపర్బ్‌ అన్నట్లుగా ప్రేక్షకాదరణ పొందింది. స్పెషల్‌ స్క్రీన్‌ప్లేతో ఈ సినిమా చిన్న సినిమా అయినా, డిఫరెంట్‌ కధా, కథనాలతో ఆకట్టుకుంది. ఈ ఇద్దరి కాంబినేషన్‌లో వస్తోన్న తాజా చిత్రం 'కేశవ'. నిఖిల్‌ ఈ సినిమాలో చాలా కొత్తగా కనిపించనున్నాడు. ఈ సినిమా ఫస్ట్‌లుక్‌ పోస్టర్‌ కూడా చాలా ఇంట్రెస్టింగ్‌గా ఉంది. అలాగే నిఖిల్‌ కూడా ప్రస్తుతం కెరీర్‌లో దూసుకెళ్తున్నాడు. 'ఎక్కడికి పోతావు చిన్నవాడా' సినిమాతో, నోట్ల రద్దు టైంలో వచ్చి మంచి విజయాన్ని తన ఖాతాలో వేసుకుని అదరహో అనిపించుకున్నాడు. అదే జోరుతో ఈ ఏడాది మేలో కొత్త సినిమా 'కేశవ'తో వస్తున్నాడు నిఖిల్‌. ఈ సినిమా షూటింగ్‌ పార్ట్‌ చివరి దశకు చేరుకుంది. ఇద్దరు భామలతో ఈ సారి కూడా ఆన్‌ స్క్రీన్‌ రొమాన్స్‌ చేయబోతున్నాడు నిఖిల్‌. 'పెళ్లి చూపులు' సినిమాతో విజయం అందుకున్న ముద్దుగుమ్మ రీతూ వర్మ ఈ సినిమాలో ఒక హీరోయిన్‌గా నటిస్తుండగా, బాలీవుడ్‌ హాట్‌ బ్యూటీ ఇషా కొప్పికర్‌ మరో హీరోయిన్‌గా నటిస్తోంది. పగ, ప్రతీకారాల నేపధ్యంలో తెరకెక్కుతోంది ఈ చిత్రం. నిఖిల్‌ నటన ఈ సినిమాకి ప్రధాన ఆకర్షణ కానుందట. 'శంకరాభరణం' సినిమాతో నిరాశపరిచిన నిఖిల్‌ 'ఎక్కడికి పోతావు చిన్నవాడా' సినిమాతో మళ్లీ పుంజుకున్నాడు. అందుకే ఆచి తూచి కథలను ఎంచుకుంటున్నాడట. ఆ కారణంగానే ఈ సినిమా విషయంలో ఇంత గ్యాప్‌ తీసుకున్నాడు. అయితే ఇకపై జాగ్రత్తతో పాటు వేగం కూడా పెంచాలని అనుకుంటున్నాడట యంగ్‌ హీరో నిఖిల్‌.
