నిఖిల్ క‌థానాయ‌కుడిగా తెర‌కెక్కిన చిత్రం `ముద్ర‌`. ఈ టైటిల్ కొద్ది రోజుల నుంచీ వివాదాల చుట్టూ న‌డుస్తోంది. ఈ టైటిల్ నాదంటే నాదంటూ కొన్ని రోజులుగా నిర్మాత‌ న‌ట్టికుమార్, `ముద్ర `టీమ్ మ‌ధ్య ఓ చిన్న‌పాటి వివాదం న‌డుస్తోంది. మీడియా సాక్షిగా న‌ట్టికుమార్ నిఖిల్‌పై విరుచుకుప‌డిపోయాడు కూడా. అప్పుడెప్పుడో న‌ట్టికుమార్ జ‌గ‌ప‌తిబాబు హీరోగా ఓ సినిమా తీశాడు. దానికి `ముద్ర‌` అనే టైటిల్ పెట్టి ఈమ‌ధ్యే విడుద‌ల చేశాడు.

దాంతో నిఖిల్ త‌న సినిమా పేరుని మార్చుకోక త‌ప్ప‌లేదు. ఈ చిత్రానికి "అర్జున్ సుర‌వ‌రం" అనే పేరు ఖ‌రారు చేశారు. టి.సంతోష్ ద‌ర్శ‌కత్వం వ‌హించిన ఈ చిత్రాన్ని మార్చి 29న విడుద‌ల చేస్తున్నారు. ఇందులో నిఖిల్ జ‌ర్న‌లిస్టు పాత్ర‌లో క‌నిపించ‌నున్నాడు. చిత్రీక‌ర‌ణ పూర్త‌యింది. త్వ‌ర‌లో ప్ర‌మోష‌న్లు కూడా మొద‌లెట్టేస్తారు.