వ‌రుస ఫ్లాపుల‌తో డీలా ప‌డింది నితిన్ కెరీర్‌. ఇప్పుడు త‌న‌కు అర్జెంటుగా ఓ హిట్ కావాలి. త‌న‌ చేతిలో రెండు సినిమాలున్నాయి. అయితే అవింకా ప‌ట్టాలెక్క‌లేదు. ఈ రెండు సినిమాల‌లో ఓ సినిమా చేజారిపోయే అవ‌కాశాలు స్ప‌ష్టంగా క‌నిపిస్తున్నాయి. వెంకీ కుడుముల‌, సూర్య ప్ర‌తాప్ ద‌ర్శ‌కత్వంలో రూపొందే చిత్రాల‌లో నితిన్ నటించాల్సివుంది. వెంకీ కుడుముల సినిమాకి నిర్మాత రెడీగానే ఉన్నాడు. అయితే.. సూర్య ప్ర‌తాప్ సినిమాకి మాత్రం నిర్మాత కావాలి. 

సూర్య‌ప్ర‌తాప్ ద‌ర్శ‌కత్వంలో నితిన్ క‌థానాయ‌కుడిగా గీతా ఆర్ట్స్ ఓ సినిమాని నిర్మించాల‌నుకుంది. అయితే ఇప్పుడు ఈ సినిమాని గీతా ఆర్ట్స్ ప‌క్క‌న పెట్టేసింద‌ని తెలుస్తోంది. బ‌డ్జెట్ లెక్క‌లు తేల‌నందుకే ఈ సినిమాని గీతా ఆర్ట్స్ సెట్స్ పైకి ఎక్కించ‌డం లేద‌ని, గీతా ఆర్ట్స్ స్థానంలో మ‌రో నిర్మాణ సంస్థ ఈ చిత్రాన్ని టేకొవ‌ర్ చేయ‌బోతోంద‌ని స‌మాచారం.

సూర్య ప్ర‌తాప్ సుకుమార్ శిష్యుడే. కుమారి 21 ఎఫ్‌ని సుకుమార్ నిర్మించారు. ఆ సినిమా మంచి లాభాల్ని తీసుకొచ్చింది. అయితే... సుకుమార్ సైతం ఈ సినిమాకి నిర్మాత‌గా ఉండ‌డానికి ఇష్ట‌ప‌డ‌డం లేద‌ట‌. మ‌రో నిర్మాత‌ని వెదికి ప‌ట్టుకోవాల‌ని భావిస్తున్నార‌ని స‌మాచారం.