అందం, అందానికి తగ్గ అభినయం అన్నీ కలబోస్తే నిత్యామీనన్‌ అని చెప్పొచ్చు. ఎలాంటి బరువైన పాత్రనైనా ఎంతో సునాయాసంగా డీల్‌ చేయగల సత్తా ఉన్న నటి నిత్యామీనన్‌. అయితే చాలా సెలెక్టివ్‌గా మాత్రమే సినిమాలు చేస్తుందీ షార్ట్‌ బ్యూటీ. అందుకే ఆమె చేతిలో కౌంట్‌ విషయానికి వస్తే, చాలా తక్కువ సినిమాలే ఉంటాయి. కానీ క్యారెక్టర్‌ విషయానికి వస్తే, కథలో ఆమె క్యారెక్టర్‌కి ఇంపార్టెన్స్‌ ఉంటుంది. అయితే ఈ బ్యూటీ ఇప్పుడు ఓ ప్రయోగం చేయబోతోందంటూ ప్రచారం జోరుగా సాగుతోంది. 

ఇంతకీ అదేం ప్రయోగం అంటారా? నిత్యమీనన్‌ ఓ స్వలింగ సంపర్కురాలి పాత్రలో కనిపించబోతోందట. అదేదో తమిళ సినిమా అయ్యుంటుందిలే అనుకుంటున్నారా? కానే కాదు, అక్షరాలా ఓ తెలుగు సినిమానట. అయితే ప్రస్తుతం నిత్యా మీనన్‌ నటిస్తున్న తెలుగు సినిమా 'అ'. నేచురల్‌ స్టార్‌ నాని నిర్మాణంలో తెరకెక్కుతోన్న సినిమా ఇది. భారీ తారాగణంతో తెరకెక్కుతోన్న ఓ ప్రయోగాత్మక చిత్రం. అయితే ఈ సినిమాలోనేనా నిత్యా మీనన్‌ ఈ తరహా పాత్రలో కనిపిస్తోంది అంటే ఏమో ప్రస్తుతానికి సస్పెన్సే కానీ, తాజా సినిమాలో ఆమె క్యారెక్టర్‌ 'ఇది' అనే ప్రచారం మాత్రం జోరుగా సాగుతోంది. 

'అ' సినిమాలో నిత్యామీనన్‌తో పాటు, రెజీనా, కాజల్‌, ఇషా రెబ్బ తదితర ముద్దుగుమ్మలు నటిస్తున్నారు. అన్నట్లు ప్రచారంలో ఉన్న నిత్యామీనన్‌ క్యారెక్టర్‌కి మరో హీరోయిన్‌తో లిప్‌లాక్‌ సీన్స్‌ కూడా ఉన్నాయట. అదీ సంగతి. గతంలో 'రుద్రమదేవి' సినిమాలో రుద్రమదేవికి భార్య పాత్రలో నటించింది నిత్యామీనన్‌. నిజానికి అలాంటి పాత్రలో నటించడానికి ఎవ్వరూ సాహసించరు. అలాంటిదే ఈ తాజా క్యారెక్టర్‌ కూడా. ఏమో చూడాలి. ఇంతకీ ప్రచారంలో ఉన్న నిత్యామీనన్‌ తాజా చిత్రం కథా, కమామిషు ఏంటో తెలియాల్సి ఉంది.