'118' 

నందమూరి హీరో కళ్యాణ్‌రామ్‌ హీరోగా '118' చిత్రం తెరకెక్కుతోన్న సంగతి తెలిసిందే. ఈ సినిమాతో ప్రముఖ సినిమాటోగ్రాఫర్‌ గుహన్‌ దర్శకుడిగా పరిచయమవుతున్నాడు. ఈ సినిమాని మార్చి 1న ప్రేక్షకుల ముందుకు తీసుకురానున్నామని తాజాగా చిత్ర యూనిట్‌ ప్రకటించింది. ఇదో సస్పెన్స్‌ థ్రిల్లర్‌ మూవీ. ఇటీవల విడుదలైన టీజర్‌కి మంచి రెస్పాన్స్‌ వచ్చింది. స్టైలిష్‌ లుక్‌లో కళ్యాణ్‌రామ్‌ కనిపిస్తున్నాడు. ఓ హత్యాయత్నానికి సంబంధించిన కీలక సమాచారాన్ని ఇన్వెస్టిగేట్‌ చేసే డిటెక్టివ్‌ పాత్రలా కళ్యాణ్‌రామ్‌ పాత్ర ఇంట్రెస్టింగ్‌గా డిజైన్‌ చేశాడు డైరెక్టర్‌ గుహన్‌.

షాలినీపాండే, నివేదాథామస్‌లు హీరోయిన్లుగా నటిస్తున్నారు. షాలినీ పాండే, కళ్యాణ్‌రామ్‌ మధ్య ఆన్‌స్క్రీన్‌ కెమిస్ట్రీని ఆల్రెడీ టీజర్‌లో చూపించేశారు. మరో హీరోయిన్‌ నివేదా క్యారెక్టర్‌ సస్పెన్స్‌గా ఉంచారు. ఆమె లుక్‌ కూడా బయటికి రాలేదింతవరకూ. నివేదా మంచి నటి అన్న సంగతి తెలిసిందే. ఈ సినిమాలో నివేదా పాత్ర చిత్రీకరణ కూడా వైవిధ్యంగా ఉండబోతోందట. యాక్టింగ్‌ స్కోపున్న క్యారెక్టర్‌ అట ఆమెది.

అందుకే ఆ పాత్ర విషయంలో గోప్యత పాఠిస్తున్నారనీ తెలుస్తోంది. ఇక లేటెస్టుగా షూటింగ్‌ కంప్లీట్‌ చేసుకున్న ఈ సినిమా పోస్ట్‌ ప్రొడక్షన్‌ పనుల్లో బిజీగా ఉంది. ఈస్ట్‌ కోస్ట్‌ ప్రొడక్షన్స్‌ బ్యానర్‌లో మహేష్‌ కోనేరు ఈ సినిమాని నిర్మిస్తున్నారు. మరోవైపు 'ఎన్టీఆర్‌ కథానాయకుడు'లో హరికృష్ణ పాత్ర పోషించి మెప్పించిన కళ్యాణ్‌రామ్‌కి విమర్శకుల నుండి ప్రశంసలు దక్కుతున్నాయి.