ఈ సంక్రాంతి హంగామా ఎన్టీఆర్ బయోపిక్ తో మొద‌ల‌వ్వ‌నుంది. 9న 'క‌థానాయ‌కుడు' విడుద‌ల కాబోతోంది.  ఇప్ప‌టికే ఆన్ లైన్‌లో టికెట్ బుకింగ్ జోరందుకుంది. ఫ్యాన్స్ ప్ర‌త్యేక‌మైన షోలు ఏర్పాటు చేసుకునే ప‌నిలో ప‌డ్డారు. తెలంగాణ‌లో స్పెష‌ల్ షోల‌కు ప‌రిమితి లేదు. కాక‌పోతే.. నంద‌మూరి బాల‌కృష్ణ కోసం మాత్రం ఓ స్పెష‌ల్ షోకి అనుమ‌తి వ‌చ్చింది. హైద‌రాబాద్ భ్ర‌మ‌రాంబ‌లో 9వ తారీఖు ఉద‌యం 5 గంట‌ల‌కు ఈ షో ప‌డ‌బోతోంది.

ఈ షోకి బాల‌య్య‌, కుటుంబ స‌భ్యులు, చిత్ర‌బృందం పాల్గొన‌బోతోంది. కొంత‌మంది అభిమానుల‌కూ ఛాన్స్ ద‌క్కుతుంది.  ఈమ‌ధ్య కాలంలో 'భ్ర‌మ‌రాంబ‌'లో షో వేసుకుని చూడ‌డం బాల‌య్య‌కు ఆన‌వాయితీగా మారింది. `గౌత‌మిపుత్ర శాత‌క‌ర్ణి`, `పైసా వ‌సూల్‌`, `జై సింహా` తొలి షోల‌న్నీ భ్ర‌మ‌రాంబ‌లోనే ప‌డ్డాయి. ఈసారీ అదే సెంటిమెంట్ ఫాలో అయ్యాడు బాల‌య్య‌. హైద‌రాబాద్‌లో మిగిలిన షోల‌న్నీ య‌ధావిధిగా ఉద‌యం 8.45 కి ప్రారంభం అవుతాయి.