యంగ్ టైగర్ ఎన్టీఆర్-మెగా పవర్ స్టార్ రామ్ చరణ్ ల కలయికలో దర్శక ధీరుడు రాజమౌళి ఒక చిత్రాన్ని తెరకెక్కించనున్నారు అన్న వార్తలు హల్చల్ చేస్తున్న సమయంలో మరొక కొత్త విషయం భయటపడింది.

అదేంటంటే- ఈ చిత్రంలో హీరోలిద్దరూ బాక్సర్లు గా కనిపించనున్నారట! అయితే వీరు తెర పైన అన్నదమ్ములుగానో లేక బావ-బామర్ధులుగానో కనిపించబోతున్నారు అని తాజా రూమర్. ఇక ఈ చిత్రానికి వీరిరువురి హిట్ సినిమా టైటిల్స్ అయిన యమదొంగ & మగధీర నుండి తీసుకొని- ‘యమధీర’గా పెట్టబోతున్నట్టు కూడా చెప్పుకుంటున్నారు.

అలాగే ఈ చిత్రం షూటింగ్ వచ్చే ఏడాదిలో మొదలుపెట్టి 2019లో విడుదల చేయనున్నట్టు తెలుస్తున్నది. ఈ చిత్రాన్ని ఏకకాలంలో తెలుగు, తమిళ, హిందీ బాషలలో తెరకెక్కించనున్నారట. 

అయితే వీటికి సంబందించిన అధికారిక ప్రకటన వెలువడాల్సి ఉంది.