మ‌న స్టార్ హీరోలంతా ఫుల్ బిజీగా ఉన్నారు. రాబోయే రెండు మూడేళ్ల‌లో ఏ సినిమాలు చేయాలి? ఎవ‌రితో చేయాలి? అనే విష‌యంపై ఓ స్ప‌ష్ట‌త‌కు వ‌చ్చేశారు. దాంతో ద‌ర్శ‌కులు కూడా ఉరుకులు, ప‌రుగులు పెట్టల్సివ‌స్తోంది. ఓ సినిమా అయ్యాక‌, తీరిగ్గా స్క్రిప్టు రాసుకుందామంటే కుద‌ర‌డం లేదు. క‌థ అనుకోవ‌డం, హీరోల్ని ఒప్పించ‌డం, ఆ త‌ర‌వాత స్క్రిప్టు రాసేసుకోవ‌డం ఇవ‌న్నీ చ‌క చ‌క జ‌రిగిపోవాల్సిందే. లేదంటే వాళ్ల స్పీడు త‌ట్టుకోవ‌డం క‌ష్టం. ప్ర‌స్తుతం ప‌ర‌శురామ్ కూడా అదే చేస్తున్నారు.

గీత గోవిందంతో వంద కోట్ల ద‌ర్శ‌కుడు అయిపోయాడు ప‌ర‌శురామ్. ఇప్పుడు మ‌హేష్ బాబుతో స‌ర్కారువారి పాట చేస్తున్నాడు. ఈసినిమా అవ్వ‌గానే.. నాగ‌చైత‌న్య‌తో ఓ సినిమా చేయాలి. ఇది వ‌ర‌క‌టి క‌మిట్‌మెంట్ ప్ర‌కారం చైతూతో సినిమాని ప‌ట్టాలెక్కించాల్సిందే. అయితే ఈలోగా ఓ బంప‌ర్ ఆఫ‌ర్ వ‌చ్చింది. త్వ‌ర‌లోనే ఎన్టీఆర్ తో ఓ సినిమా చేయ‌బోతున్నాడ‌ని టాక్‌.ఎన్టీఆర్‌కి స‌రిప‌డ క‌థ‌.. ప‌ర‌శురామ్ ద‌గ్గ‌ర ఉంద‌ని, ఇది తెలిసి ఓ నిర్మాత‌... వీరిద్ద‌రినీ క‌లిపాడ‌న్న‌ది ఇండ‌స్ట్రీ వ‌ర్గాల టాక్‌. ఇది మ‌ల్టీస్టార‌ర్ అని, మ‌రో హీరో కూడా ఎన్టీఆర్‌కి తోడుగా క‌నిపించే అవ‌కాశాలున్నాయ‌ని చెప్పుకుంటున్నారు. అదే నిజ‌మైతే.. మ‌హేష్ సినిమాతో బిగ్ లీగ్ లోకి అడుగుపెట్టిన ప‌ర‌శురామ్‌...త‌న స్థానాన్ని మ‌రింత సుస్థిరం చేసుకున్న‌ట్టే.