ముద్దుగుమ్మ పార్వతీ మిల్టన్‌ని తెలుగులో ఎప్పుడో మర్చిపోయారు. హీరోయిన్‌గా పలు చిత్రాల్లోనూ, ఐటెం గాళ్‌గానూ కూడా నటించింది ఈ ముద్దుగుమ్మ. కానీ స్టార్‌డమ్‌ అయితే దక్కించుకోలేదు కానీ, గ్లామర్‌ డాళ్‌గా తెలుగు ప్రేక్షకులకు గుర్తుండిపోయింది. అయితే ఈ ముద్దుగుమ్మని మళ్లీ సినిమాల్లోకి తీసుకురావాలని ట్రై చేస్తున్నారట. ఈ బ్యూటీది అమెరికా. సినిమాలకు దూరమయ్యాక, అప్పుడప్పుడూ సోషల్‌ మీడియాలో కనిపిస్తోంది. ప్రస్తుతం ప్రపంచ యాత్రల్లో బిజీగా ఉంది. ప్రపంచాన్ని చుట్టేయడమే పనిగా పెట్టుకుంది. ఒకానొక సందర్భంలో సినిమాల్లో ఇకపై నటించననీ కూడా చెప్పేసింది. అయితే కొందరు దర్శక నిర్మాతలు పార్వతి మిల్టన్‌ కోసం ట్రై చేస్తున్నారట. తాజాగా 'లక్ష్మీస్‌ వీరగ్రంధం' అనే సినిమా ఒకటి ప్రస్తుతం చర్చల్లో ఉంది. ఈ మధ్యే వెలుగులోకి వచ్చి హాట్‌ టాపిక్‌ అయ్యింది. ఈ సినిమాలో హీరోయిన్‌గా వాణీ విశ్వనాధ్‌ని గానీ, లక్ష్మీరాయ్‌ని గానీ, పార్వతి మిల్టన్‌ గానీ అనుకుంటున్నారట. అయితే వాణీ విశ్వనాధ్‌ ని తీసుకుంటే సినిమాకి అంతగా పాపులారిటీ రాదు. లక్ష్మీరాయ్‌ అయితే కిక్కుంటుంది. పార్వతీ మిల్టన్‌ అయితే క్యూరియాసిటీ ఉంటుంది. మరో పక్క వర్మ డైరెక్షన్‌లో 'లక్ష్మీస్‌ ఎన్టీఆర్‌' అనే సినిమా తెరకెక్కుతోంది. వర్మ సెన్సేషనల్‌ డైరెక్టర్‌ కాబట్టి, ఈ సినిమాపై ఆశక్తి ఉంది. తేజ డైరెక్షన్‌లో 'ఎన్టీఆర్‌' అనే మరో చిత్రం తెరకెక్కుతోంది. ఇందులో బాలయ్య హీరో కాబట్టి ఈ సినిమాకీ ఇంపార్టెన్స్‌ ఉంది. అయితే ఈ తాజా చిత్రం 'లక్ష్మీస్‌ వీరగ్రంధం' హాట్‌ టాపిక్‌ అవ్వాలంటే అక్కడ స్టార్‌ వేల్యూ, గ్లామర్‌ ఉండాలి. అసలింతకీ ఈ సినిమా కాన్సెప్ట్‌ ఏంటి? అనే విషయంపై ఇంకా క్లారిటీ రావాల్సి ఉంది. ఆ తర్వాతే ఏ ముద్దుగుమ్మ గ్లామర్‌ ఈ సినిమాకి వర్కవుటవుతుందో తేల్చేది.