పవన్‌ కళ్యాన్‌ - త్రివిక్రమ్‌ కాంబినేషన్‌లో ఓ చిత్రం తెరకెక్కుతోన్న సంగతి తెలిసిందే. ప్రస్తుతం శరవేగంగా షూటింగ్‌ జరుపుకుంటోందీ చిత్రం. కాగా ఈ ఇద్దరి కాంబినేషన్‌ అంటే అంచనాలు ఎక్కువ ఒక పక్క. మరో పక్క ఈ కాంబినేషన్‌లో సినిమా అంటే సినిమాలోని ఫైట్లకు ఎక్కువ ప్రాధాన్యత ఉంటుంది. ఈ ఇద్దరి కాంబినేషన్‌లో తెరకెక్కుతోన్న ఈ సినిమాలో మార్షల్‌ ఆర్ట్స్‌ నేపథ్యంలో ఓ ఫైట్‌ ఉండబోతోందంటూ తాజాగా ఓ గాసిప్‌ చక్కర్లు కొడుతోంది. ఈ ఫైట్‌ సినిమాకే హైలెట్‌ కానుందట. ఈ ఫైట్‌ మొత్తం మార్షల్‌ ఆర్ట్స్‌ కాన్సెప్ట్‌లోనే ఉండబోతోందట. ఈ ఫైట్‌ని పవన్‌ కళ్యాణే స్వయంగా కంపోజ్‌ చేశారట. పర్‌ఫెక్షన్‌ కోసం ఓ మార్షల్‌ ఆర్ట్స్‌ నిపుణున్ని నియమించారట అంతే తప్ప ఫైట్‌ డిజైనింగ్‌ అంతా పవన్‌దే అని టాక్‌ వినిపిస్తోంది. పవన్‌ కళ్యాణ్‌కి మార్షల్‌ ఆర్ట్స్‌లో ప్రావీణ్యం ఉన్న సంగతి తెలిసిందే. పవన్‌ చేసే ఫైట్స్‌లో ఆ ఫ్లేవర్‌ ఎక్కువగా కనిపిస్తుంది కూడా. నవంబర్‌ 7న ఈ సినిమా ఫస్ట్‌లుక్‌ ఉందంటూ ప్రచారం జరుగుతోంది. కానీ ఉండకపోవచ్చునంటూ ఇంకో న్యూస్‌ హల్‌ చల్‌ చేస్తోంది. ఇంతకీ ఈ న్యూస్‌లో ఏది నిజమో తెలీదు. కానీ ఈ సినిమాలో పవన్‌ సాఫ్ట్‌వేర్‌ ఉద్యోగి పాత్రలో నటిస్తున్నాడు. వెరీ వెరీ స్మార్ట్‌ లుక్‌లో పవన్‌ కనించనున్నాడు. ప్రస్తుతం యూరప్‌లో ఈ సినిమా తాజా షెడ్యూల్‌ షూటింగ్‌ జరుపుకుంటోంది. ఈ షెడ్యూల్‌లో సాంగ్స్‌ చిత్రీకరణ, కొన్ని ఇంపార్టెంట్‌ సీన్స్‌ని చిత్రీకరించనున్నారట. తమిళ యంగ్‌ డైరెక్టర్‌ అనిరుధ్‌ ఈ సినిమాకి మ్యూజిక్‌ అందిస్తున్నారు. అనూ ఇమ్మాన్యుయేల్‌, కీర్తి సురేష్‌ హీరోయిన్లుగా నటిస్తున్నారు. సంక్రాంతికి ఈ సినిమాని ప్రేక్షకుల ముందుకు తీసుకురానున్నారు.