ఈ సంక్రాంతికి విడుదలైన అజ్ఞాతవాసి చిత్రం సాధారణ ప్రేక్షకులతో పాటుగా పవన్ కళ్యాణ్ అభిమానులని సైతం తీవ్ర నిరాశపరిచింది. అయితే ఈ అజ్ఞాతవాసి సినిమాకి తమిళంతో లింకులు బయటపడ్డాయి. అవేంటో ఇప్పుడు చూద్దాం..
అజ్ఞాతవాసి చిత్రం ఫ్రెంచ్ సినిమా లార్గో వించ్ కి ఫ్రీమేక్ అన్న సంగతి ఇప్పటికే అర్ధమవ్వడం జరిగిపోయింది. అయితే కొంతకాలం క్రితం దర్శకుడు గౌతమ్ మీనన్ ఈ ఫ్రెంచ్ సినిమా ఆధారంగానే ఒక చిత్రాన్ని హీరో విజయ్ తో తీయాలనుకోవడం అదే పనిగా టైటిల్ ఫిక్స్ చేసి పోస్టర్ కూడా విడుదల చేశాడు. ఏమైందో తెలియదు కాని కొన్ని కారణాల వల్ల ఈ చిత్రం కార్యరూపం దాల్చలేదు.
ఈ విషయం ఇప్పుడు పవన్ కళ్యాణ్ అజ్ఞాతవాసి చిత్రం ఫ్లాప్ అయ్యేటప్పటికి బయటకి వచ్చింది. కారణాలు తెలియకపోయినప్పటికీ ఈ సినిమా విజయ్ చేసి ఉంటే తమ హీరో పవన్ కళ్యాణ్ కెరీర్ లో ఈ ఫ్లాప్ చిత్రం ఉండేది కాదు అని పవన్ అభిమానులు గుసగుసలాడుకుంటున్నారు.
అయినా ఫ్లాప్ వచ్చింది కాబట్టి ఇలా అంటున్నారు కాని అదే ఒక వేళ హిట్ అయి ఉంటే ఇదే మాట అంటారా ఏంటి.
