అగ్ర హీరో పుట్టిన రోజు వ‌స్తుందంటే, ఫ్యాన్స్ చేసే హంగామా ఎలా ఉంటుందో ప్ర‌త్యేకంగా చెప్పాల్సిన ప‌ని లేదు. ఆ రోజంతా ఆ హీరోనే ట్రెండింగ్ లో ఉంటాడు. కానీ ప‌వ‌న్ కల్యాణ్ స్టైల్ వేరు. త‌న ఫ్యాన్స్ రేంజ్ వేరు. ప‌వ‌న్ పుట్టిన రోజుకి ఇంకా చాలా రోజులున్నాయి. అయితే అప్పుడే సోష‌ల్ మీడియాలో ప‌వ‌న్ బ‌ర్త్ డే సంబ‌రాలు మొద‌లైపోయాయి.

సెప్టెంబ‌ర్ 2న ప‌వ‌న్‌క‌ల్యాణ్ పుట్టిన‌రోజు. నెల‌న్న‌ర‌కు పైగానే స‌మ‌యం ఉన్న‌ప్ప‌టికీ అభిమానులు మాత్రం సోష‌ల్ మీడియాలో ఇప్పుడే సంద‌డి మొద‌లెట్టేశారు. అడ్వాన్స్డ్‌ హ్యాపీ బ‌ర్త్ డే ప‌వ‌న్‌క‌ల్యాణ్ అనే హ్యాష్ ట్యాగ్‌ను క్రియేట్ చేసి ట్విట్ట‌ర్‌లో ట్రెండ్ చేశారు. 24 గంట‌ల్లోనే ఈ హ్యాష్ ట్యాగ్‌తో 27.3 మిలియ‌న్స్ ట్వీట్స్ వ‌చ్చాయంటే అభిమానుల ఏ రేంజ్‌లో చేల‌రేగిపోయారో అర్థం చేసుకోవ‌చ్చు. ఇక సెప్టెంబ‌రు 2న ఎలా ఉంటుందో ప‌రిస్థితి. ప‌వ‌న్ ఇప్పుడు వ‌కీల్ సాబ్ తో బిజీగా ఉన్న సంగ‌తి తెలిసిందే. త్వ‌ర‌లోనే షూటింగ్ మొద‌లుకానుంది.