పవన్‌ - త్రివిక్రమ్‌ కాంబినేషన్‌లో సినిమా రాబోతుందంటేనే అంచనాలు ఆకాశాన్నంటాయి. అందులోనూ ఈ కాంబినేషన్‌ అంటే అందరి దృష్టి టైటిల్‌ పైనే. 'అత్తారింటికి దారేది' అనే టైటిల్‌ని పెట్టి త్రివిక్రమ్‌ ఓ సెన్సేషన్‌ సృష్టించాడు. ఆ టైటిల్‌ ఏంటి అనుకున్నారు మొదట్లో అంతా. అప్పట్లో రికార్డులు తిరగరాసింది ఆ సినిమా. మళ్లీ అలాంటి టైమే రిపీట్‌ కానుంది. ఇటీవలే 'కాటమరాయడు' సినిమాతో నిరాశ పరిచిన పవన్‌ కళ్యాణ్, త్రివిక్రమ్‌ సినిమాతో ఫ్యాన్స్‌కి జోష్‌ ఇవ్వనున్నాడు. ఈ సినిమాలో పవన్‌ది సాఫ్ట్‌వేర్‌ ఇంజనీర్‌ పాత్ర అన్న సంగతి తెలిసిందే. ఇదో ఫ్యామిలీ ఎంటర్‌టైనింగ్‌ మూవీ. ఇలాంటి సినిమాకి టైటిల్‌ అంటే ఎంతో ఆహ్లాదంగా ఉండాలి కదా. అందుకే ఇప్పటికే పలు టైటిల్స్‌ని పరిశీలించింది చిత్ర యూనిట్‌. తాజాగా 'చుట్టేద్దాం రండి' అనే టైటిల్‌ తెర పైకి వచ్చింది. అవును నిజమే పవన్‌ రేంజ్‌కి ఆ మాత్రం ఉండాలి. ఈ టైటిల్‌కి పోజిటివ్‌ వైబ్రేషన్స్‌ కూడా ఉన్నాయి. అయితే ఇంకా ఈ టైటిల్‌పై చిత్ర యూనిట్‌ నుండి అఫీషియల్‌ క్లారిటీ రాలేదు. ఈ సినిమాలో యాక్షన్‌ సీన్స్‌ అయితే వావ్‌ అనిపించేలా ఉండబోతున్నాయట. వినోదంతో పాటు యాక్షన్‌కీ పెద్ద పీట వేసినట్లు తెలుస్తోంది డైరెక్టర్‌ త్రివిక్రమ్‌. మామూలుగానే పవన్‌ కళ్యాణ్‌కి మార్షల్‌ ఆర్ట్స్‌లో గట్టి పట్టు ఉంది. ఈ సినిమా కోసం పవన్‌ విదేశాల నుండి వచ్చిన యాక్షన్‌ నిపుణులతో ప్రత్యేక శిక్షణ తీసుకుంటున్నారట. అను ఇమ్మాన్యుయేల్‌, కీర్తి సురేష్‌ పవన్‌తో జత కడుతున్నారు ఈ సినిమాలో.
