పవన్ కళ్యాణ్ దృష్టి ఇప్పుడు పూర్తిగా రాజ‌కీయాల‌వైపే ఉంది. సినిమాల గురించి ప‌ట్టించుకోవ‌డం ఎప్పుడో మానేశాడు. వ్య‌క్తిగ‌త జీవితాన్ని కూడా ప‌క్క‌న పెట్టేశాడు. ఆంధ్రా రాజ‌కీయాల‌లో క్రీయాశీల‌కంగా మారాడు పవన్. ఓటు హ‌క్కు కూడా అక్క‌డే ఉంది. భీమ‌వ‌రం, గాజువాక నుంచి పవన్ పోటీకి దిగ‌బోతున్నాడు. ఇక హైద‌రాబాద్ వైపు చూడ‌డేమో అనుకుంటున్న ద‌శ‌లో ఓ స్వీట్ షాకింగ్ న్యూస్ బ‌య‌ట‌కు వ‌చ్చింది.
అదేంటంటే.. పవన్ హైద‌రాబాద్‌లో ఓ ఇల్లు క‌ట్టాడు. మాదాపూర్‌లో ఖ‌రీదైన ఏరియాలో పవన్ కోట్ల‌కు కోట్లు పోసి ఓ ఇల్లు క‌ట్టాడ‌ని, ఈనెల 6న గృహ ప్ర‌వేశం చేసుకుంటున్నాడ‌ని స‌మాచారం. పవన్ ఎన్నిక‌ల ప్ర‌చారంలో బిజీగా ఉన్నాడు. అయిన‌ప్ప‌టికీ 6న గృహ ప్ర‌వేశ కార్య‌క్ర‌మంలో పాల్గొంటాడ‌ట. ఇంటిని త‌న అభిరుచికి త‌గిన‌ట్టుగా డిజైన్ చేయించుకున్నాడ‌ని, ఎన్నిక‌ల త‌ర‌వాత... హైద‌రాబాద్ వ‌చ్చిన‌ప్పుడ‌ల్లా మ‌కాం ఆ ఇంట్లోనే అని తెలుస్తోంది.
