'డార్లింగ్‌' ప్రబాస్‌ 'బాహుబలి' సినిమాతో 'బాహుబలి ప్రబాస్‌' అయిపోయాడు. గత నాలుగేళ్లుగా ప్రబాస్‌ 'బాహుబలి' సినిమాకే తన జీవితం అంకితం చేసేశాడు. బాహుబలి గెటప్‌ తప్ప మరో గెటప్‌లో కనిపించలేదు. ఈ మధ్యే ఈ సినిమా రెండో పార్ట్‌ షూటింగ్‌ కంప్లీట్‌ అయ్యింది. దాంతో ప్రబాస్‌ బాహుబలి షూటింగ్‌కి టాటా చెప్పేసి ఆ మేకప్‌కి ప్యాకప్‌ కూడా చెప్పేశాడు. ఇక ప్రబాస్‌ మళ్లీ లవర్‌ బోయ్‌ గెటప్‌లోకి ఛేంజ్‌ అయిపోవడానికి సిద్ధంగా ఉన్నాడు. ఆల్రెడీ ఓ రొమాంటిక్‌ ఎంటర్‌టైనర్‌కి ప్రబాస్‌ ఓకే చెప్పేశాడు కూడా. ఈ సినిమా ఇక పట్టాలెక్కడమే తరువాయి. శర్వానంద్‌తో 'రన్‌ రాజా రన్‌' సినిమాని తెరకెక్కించిన యంగ్‌ డైరెక్టర్‌ సుజిత్‌తో ప్రబాస్‌ సినిమా ఓకే అయిన సంగతి తెలిసిందే. త్వరలోనే ఈ సినిమా సెట్స్‌ మీదికి వెళ్లనుంది కూడా. ఈ సినిమాలో ప్రబాస్‌ సరసన ముద్దుగుమ్మ ప్రగ్యా జైశ్వాల్‌ హీరోయిన్‌గా నటిస్తోందంటూ ప్రచారం జరుగుతోంది. ఈ ముద్దుగుమ్మ హైట్‌, పర్సనాలిటీని చూసి ఈ సినిమాలో ప్రబాస్‌ సరసన హీరోయిన్‌గా ఎంపిక చేసుకున్నారట. ఇటీవలే 'నమో వేంకటేశాయ' సినిమాతో ప్రేక్షకుల ముందుకు వచ్చింది ప్రగ్యా జైశ్వాల్‌. ఈ సినిమాలో ఆమె పాత్రకు మంచి మార్కులే వేయించుకుంది. ఇక నటన విషయానికొస్తే, తొలి సినిమా 'కంచె'తోనే ప్రూవ్‌ చేసుకుంది. డైరెక్టర్‌ రాఘవేంద్రరావు చేతిలో పడి ఆమె అందం మరింత రెట్టింపయ్యింది. ఇంతవరకూ గ్లామరస్‌గా పెద్దగా కనిపించింది లేదు కానీ, ఈ సినిమాలో అమ్మడు కొంచెం గ్లామరస్‌ లుక్‌లో కనిపించబోతోందంటూ గుసగుసలు వినిపిస్తున్నాయి. చూద్దాం ప్రగ్యా గ్లామర్‌ లుక్‌ ఈ సినిమాలో ఎలా ఉండబోతోందో!