హిట్లూ, ఫ్లాపుల్ని ప‌ట్టించుకోని ఏకైక ద‌ర్శ‌కుడు పూరి జ‌గ‌న్నాథ్. అందుకే త‌న సినిమాల్లో ఫ్లాప్ హీరోయిన్లు కూడా క‌నిపిస్తుంటారు. ఈసారి కూడా ఇద్ద‌రు ఫ్లాప్ హీరోయిన్ల‌కు పూరి అవ‌కాశం ఇవ్వ‌బోతున్న‌ట్టు టాలీవుడ్ టాక్‌. పూరి ద‌ర్శ‌క‌త్వంలో `ఇస్మార్ట్ శంక‌ర్‌` అనే చిత్రం రూపుదిద్దుకుంటోంది. రామ్ క‌థానాయ‌కుడు. ఇందులో ఇద్ద‌రు హీరోయిన్లున్నారు. వాళ్లెవ‌న్న‌ది ఇంత వ‌ర‌కూ తేల‌లేదు. అయితే ఇద్ద‌రు హీరోయిన్ల పేరు మాత్రం ప్ర‌చారంలో వినిపిస్తున్నాయి. 

నిధి అగ‌ర్వాల్‌, న‌భా న‌టేషాల‌ను పూరి క‌థానాయిక‌లుగా ఎంచుకున్నార‌ని టాక్‌. నిధి అగ‌ర్వాల్ తెలుగులో రెండు సినిమాలు చేసింది. స‌వ్య‌సాచి, మిస్ట‌ర్ మ‌జ్ను.. రెండూ ఫ్లాపులే. నభా నటేష్‌ కూడా అంతే. తెలుగులో రెండు సినిమాలు చేసింది. న‌న్ను దోచుకుందువ‌టే, అదుగో సినిమాల్లో త‌నే క‌థానాయిక‌. ఆ రెండూ ఫ్లాపుల‌య్యాయి. వాళ్ల‌ని పూరి ఏరి కోరి ఎంచుకున్నాడు. పూరి ఆల్రెడీ ఫ్లాపుల్లో ఉన్నాడు. దానికి తోడు ఐరెన్ లెగ్గుల‌ను తీసుకున్నాడు. మ‌రి ఇస్మార్ట్ శంక‌ర్ భ‌విష్య‌త్తు ఏమిటో??