సక్సెస్‌, ఫెయిల్యూర్స్‌ ఎలా ఉన్నా డేరింగ్‌ డైరెక్టర్‌ పూరీ జగన్నాధ్‌లో జోరు మాత్రం తగ్గదు. ప్రస్తుతం తెరకెక్కిస్తున్న 'ఇస్మార్ట్ శంకర్‌' షూటింగ్‌ చివరి దశకు చేరుకుంది. ఈ సినిమా అనౌన్స్‌మెంట్‌ డే నుండీ ఓ పక్క సినిమా షూటింగ్‌, ఇంకో పక్క ప్రమోషన్‌ కూడా వదలలేదు పూరీ జగన్నాధ్‌. ఎప్పటికప్పుడు అప్‌డేట్స్‌ ఇస్తూనే ఉన్నాడు.
గోవా షూటింగ్‌కి సంబంధించిన ఫోటోలనూ, వీడియోలను ఎప్పటికప్పుడు సోషల్‌ మీడియాలో పంచుకుంటోంది హీరోయిన్‌ కమ్‌ నిర్మాత ఛార్మి. ఈ సినిమాకి డైరెక్టర్‌ పూరీ జగన్నాధ్‌ అయినా వెనకుండి అంతా తానై బాధ్యత వహిస్తోంది ఛార్మి. క్లైమాక్స్‌కి చేరుకున్న ఈ సినిమా రిలీజ్‌ డేట్‌ని ఇక రేపో మాపో ప్రకటించనున్నాడు పూరీ జగన్నాధ్‌. ఒకప్పుడు స్టార్‌ డైరెక్టర్‌గా వెలుగొందిన పూరీ జగన్నాధ్‌ని ఈ మధ్య ఫెయిల్యూర్స్‌ వెంటాడుతున్న సంగతి తెలిసిందే.
అయినా కానీ రెట్టించిన ఉత్సాహంతో 'ఇస్మార్ట్ శంకర్‌' ప్రాజెక్ట్‌ని టేకప్‌ చేశాడు. అంతకు మించిన ఉత్సాహంతో పూర్తి చేస్తున్నాడు. రామ్‌ హీరోగా రూపొందుతోన్న ఈ సినిమాలో నిధి అగర్వాల్‌, నభా నటేష్‌ ఇస్మార్ట్ గాళ్స్‌గా నటిస్తున్నారు. ఇదిలా ఉంటే, మరోవైపు పూరీ జగన్నాధ్‌ తన కొడుకు ఆకాష్‌ పూరీతో రూపొందిస్తున్న 'రొమాంటిక్‌' మూవీ షూటింగ్‌ పనులు కూడా శరవేగంగా జరుగుతున్నాయి.
