త‌న‌యుల‌తో చిందులు వేసిన క‌థానాయిక‌లు.. తండ్రితోనూ డ్యూయెట్లు పాడ‌డం చూస్తూనే ఉన్నాం. కాజ‌ల్‌, త‌మ‌న్నా లాంటి అగ్ర క‌థానాయిక‌లు ఈ లిస్టులో ఉన్నారు. ఇప్పుడు ర‌కుల్ ప్రీత్ సింగ్ కూడా చేరిపోయింది. రారండోయ్ వేడుక చూద్దాంలో నాగ‌చైత‌న్య స‌ర‌స‌న న‌టించింది ర‌కుల్. ఇప్పుడు నాగార్జున‌తో జోడీ క‌ట్ట‌డానికి రంగం సిద్ధం చేసుకుంది. నాగార్జున క‌థానాయ‌కుడిగా న‌టిస్తున్న చిత్రం 'మ‌న్మ‌థుడు 2'. రాహుల్ ర‌వీంద్ర‌న్ ద‌ర్శ‌కుడు. ఈ చిత్రంలో క‌థానాయిక‌గా ర‌కుల్‌ని ఎంచుకున్నారు. త్వ‌ర‌లో ఈ చిత్రం సెట్స్‌పైకి వెళ్ల‌నుంది.
ఈ సినిమా కోసం ఓ బ‌ల‌మైన క‌థానాయిక పాత్రని డిజైన్ చేశాడ‌ట రాహుల్. క‌థానాయ‌కుడికి ఎంత ప్రాధాన్యం ఉందో నాయిక పాత్ర‌కీ అంతే ప్రాధాన్య‌త ఉంద‌ని చిత్ర‌బృందం తెలిపింది. రారండోయ్ వేడుక చూద్దాంలో కూడా ర‌కుల్ పాత్ర‌కు చాలా ప్రాముఖ్య‌త ఉంది. చిల‌సౌలోనూ క‌థానాయిక‌ని చాలా స్ట్రాంగ్‌గా చూపించాడు రాహుల్. ఈ చిత్రాన్ని అన్న‌పూర్ణ స్డూడియోస్ సంస్థ నిర్మిస్తోంది. ర‌కుల్ సోలో హీరోయినా? లేదంటే మ‌రో క‌థానాయిక‌కీ స్థానం ఉందా? అనేది త్వ‌ర‌లో తెలుస్తుంది.
