ఇటీవల 'అవంతిక'గా రకుల్‌ చేసిన హంగామా అంతా ఇంతా కాదు. ఆమె నటిస్తున్న 'మన్మధుడు 2'లో రకుల్‌ పాత్ర పేరు అవంతికా. ఈ పాత్రను ఇంట్రడ్యూస్‌ చేస్తూ వదిలిన టీజర్‌కి మంచి రెస్పాన్స్‌ రావడంతో పాటు, కొన్ని విమర్శలు కూడా వచ్చాయి. అయితే, ఈ సంగతి పక్కన పెడితే, తాజాగా మన అవంతికకు ఓ బంపర్‌ ఛాన్స్‌ తగలిందనే ప్రచారం జరుగుతోంది. ఇంతకీ ఏంటా? బంపర్‌ ఛాన్స్‌ అంటే, విశ్వ నటుడు కమల్‌ హాసన్‌ సినిమాలో రకుల్‌ ఛాన్స్‌ దక్కించుకుందట.
కమల్‌ హాసన్‌ నటిస్తున్న 'ఇండియన్‌ 2'లో రకుల్‌కి అవకాశం దక్కిందట. ఆల్రెడీ ఈ సినిమాలో చందమామ కాజల్‌ అగర్వాల్‌ హీరోయిన్‌గా ఎంపికైంది. ఈ సినిమాలో ఒకే హీరోయిన్‌ కాదు. మరో ఇద్దరు భామలకీ ఈ సినిమాలో చోటుంది. అలా కాజల్‌తో పాటు టోటల్‌గా ముగ్గురు భామలు 'ఇండియన్‌ 2'లో ఆల్రెడీ హీరోయిన్లుగా చోటు దక్కించుకున్నారు. ఇక ఇప్పుడు రకుల్‌ కూడా ఓ ఇంపార్టెంట్‌ క్యారెక్టర్‌ కోసం ఈ సినిమాలో భాగం కాబోతోందనీ తెలుస్తోంది. ఒకవేళ ఇదే నిజమైతే రకుల్‌కిది బంపర్‌ ఆఫరే అని చెప్పక తప్పదు. తమిళంలో రకుల్‌ ప్రీత్‌ యంగ్‌ హీరో శివకార్తికేయన్‌తో ఓ సినిమాలో నటిస్తోంది. దాంతో పాటు, ప్రచారంలో ఉన్నట్లు ఈ తాజా ఆఫర్‌ కూడా నిజమే అయితే, రకుల్‌ దశ తిరిగినట్లే. ఇదంతా మన్మధుడి హ్యాండ్‌ పవరేనేమో.
తెలుగులో 'మన్మధుడు 2'లో నటించే ఛాన్స్‌ దక్కించుకున్నాకే, రకుల్‌కి మళ్లీ తన ఉనికిని చాటుకునే అవకాశం దక్కింది. ఈ సినిమాలో ఆమె పాత్రకు ఎక్కువ ఇంపార్టెన్స్‌ ఉండబోతోందనీ ఫస్ట్‌లుక్‌ టీజర్‌ ద్వారా అర్ధమైంది. ఇక ఈ సినిమా హిట్‌ అయ్యిందంటే రకుల్‌ పోగొట్టుకున్న స్టార్‌డమ్‌ మళ్లీ దక్కించుకున్నట్లే. ఈ సినిమా ఆగస్ట్‌ 9న ప్రేక్షకుల ముందుకు రానుంది. కీర్తి సురేష్‌ మరో హీరోయిన్‌గా నటిస్తోంది. సమంత గెస్ట్‌ రోల్‌ పోషిస్తోంది.
