ఎన్టీఆర్ బయోపిక్ గురించిన ఏ వార్త బయటికోచ్చినా అది సంచలనంగానే మారుతున్నాయి. అందులో ముఖ్యంగా ఈ బయోపిక్ లో నటిస్తున్న సెలబ్రిటీల గురించిన వార్తలకి పెద్ద ఎత్తున మైలేజ్ వస్తున్నది.

తాజాగా ఎన్టీఆర్ బయోపిక్ లో పాటల రచయిత రామజోగయ్య శాస్త్రి & మాటల రచయిత బుర్రా సాయి మాధవ్ ప్రముఖుల పాత్రలని పోషించనున్నారు. వీరికి సంబందించిన షూటింగ్ జరుగుతున్నదట. ఇక రామజోగయ్య శాస్త్రి మనకి ఈ చిత్రంలో లెజెండరీ పాటల రచయిత అయిన సినారె పాత్రలో కనిపిస్తుండగా ఎన్టీఆర్ పర్సనల్ మేకప్ మ్యాన్ గా ఉండిన పీతాంబరం పాత్రలో మాటల రచయిత అయిన సాయి మాధవ్ మెరవనున్నారు.

ఇప్పటికే ఈ చిత్రంలో అనేకమంది సెలబ్రిటీలు ఎన్టీఆర్ తో సమకాలికుల పాత్రలలో కనిపిస్తుండడంతో సగటు సినీ అభిమానులకి ఈ చిత్రం పైన అమితాసక్తి పెంచుతున్నది.

బయోపిక్ లలో భాగంగా మొదటి పార్ట్ జనవరి 9న విడుదలవుతుండగా రెండవ పార్ట్ జనవరి 24న ప్రేక్షకుల ముందుకిరానుంది.