యాంకర్‌ రష్మి కారు యాక్సిడెంట్‌లో ఓ వ్యక్తికి తీవ్ర గాయాలు, పరిస్థితి విషమం అంటూ వార్తలు వస్తున్న నేపథ్యంలో తాజాగా రష్మి స్పందించింది. రష్మీ కారనీ, అదీ కొత్త కారనీ.. వస్తున్న వార్తల్లో నిజం లేదని రష్మి ఖండించింది. వాస్తవానికి ఆ కారు తనది కాదంట. ఓ షూటింగ్‌ నిమిత్తం మేనేజ్‌మెంట్‌ వారు ప్రొవైడ్‌ చేసిన కారులో రష్మి ప్రయాణిస్తోందట అంతే.
ఆ టైంలో అక్కడ చాలా చీకటిగా ఉండడంతో ఓ వ్యక్తి సడెన్‌గా వచ్చి కారును ఢీకొనడంతో ఈ ప్రమాదం జరిగిందనీ రష్మి చెప్పింది. ఆ ఘటన జరిగిన వెంటనే తానే 108కి కాల్‌ చేసి అదే కారులో ఆసుపత్రిలో తరలించాననీ, పోలీసులు వచ్చేసరికి ఆలస్యం అవుతుందన్న కారణంగానే ఆ వ్యక్తిని ఆసుపత్రిలో చేర్చామనీ రష్మి చెప్పింది. ఆ క్షణంలో కారు నడుపుతున్న డ్రైవర్‌ని పోలీసులు అరెస్టు చేశారు.
సో ఈ ఘటనకూ, రష్మికీ ఏ మాత్రం సంబంధం లేదని తేలిపోయింది. పాపం ఈ న్యూస్‌ బయటికి వచ్చినప్పటి నుండి సోషల్‌ మీడియాలో రష్మిని ట్రాల్‌ చేస్తున్నారు. కొత్త కారనీ, రష్మీ రేష్‌ డ్రైవ్‌ ఈ ప్రమాదానికి కారణమైందనీ అనవసరంగా నెగిటివ్‌ కామెంట్లు వస్తున్న తరుణంలో రష్మి అసలు జరిగిన విషయం ఇదీ అని తాజాగా సోషల్‌ మీడియా ద్వారా వివరణ ఇచ్చింది. ఇక ఇప్పటికైనా నెటిజన్లు రష్మిని ట్రాల్‌ చేయడం ఆపాలి మరి.
