టీవీ యాంకర్‌ కమ్‌ హీరోయిన్‌ రష్మి ఓ వివాదంలో చిక్కుకుంది. రష్మి కారు ఢీకొట్టడంతో ఓ యువకుడు ప్రాణాపాయ స్థితిలో ఉన్నాడు. విశాఖ జిల్లా గాజువాక కూర్మన్న పాలెం దగ్గర రోడ్డు క్రాస్‌ చేస్తుండగా ఓ యువకుడు రష్మి కారును ఢీకొట్టి తీవ్ర గాయాలపాలయ్యాడు. యాక్సిడెంట్‌ అనంతరం హుటాహుటిన దగ్గరలో ఉన్న ప్రభుత్వాసుపత్రిలో చికిత్స పొందిన యువకుడి పరిస్థితి సీరియస్‌గా ఉండడంతో విశాఖ ప్రభుత్వాసుపత్రికి తరలించినట్లు తెలుస్తోంది.
విశాఖలో ఓ ఓపెనింగ్‌ కార్యక్రమానికి హాజరైన రష్మికి దారిలో ఈ వింత అనుభవం ఎదురైంది. ఆదివారం రాత్రి 11 గంటల సమయంలో ఈ ఘటన చోటు చేసుకుంది. ప్రస్తుతం చికిత్స పొందుతున్న ఈ యువకుడి పరిస్థితి విషమంగానే ఉందనీ సమాచారమ్‌ అందుతోంది. గతంలో అనసూయ కూడా ఇలాంటి గొడవలోనే ఇరుక్కుంది.
సెల్ఫీ కోసం ట్రై చేసిన ఓ కుర్రాడిపై అనసూయ అనవసరంగా చేయి చేసుకున్నదనీ, అనసూయను అభిమానులు తప్పు పట్టారు. ఎలాగోలా ఆ వివాదం నుండి బయటపడింది అనసూయ. ఇప్పుడు రష్మి రేష్‌ డ్రైవ్‌ ఈ ప్రమాదానికి కారణమై ఉంటుందంటూ సోషల్‌ మీడియాలో ఓ వర్గం అభిమానులు రష్మిని గుమ్మెత్తి పోస్తున్నారు. ఈ మధ్యనే కొత్త కారు తీసుకున్న రష్మికి, కొత్త కారులో షికారు ఇంత పెద్ద తంటా తెచ్చి పెట్టింది పాపం.
