కాజ‌ల్ కెరీర్ ఇప్పుడు ప‌రుగులు పెడుతోంది. అనుష్క‌, త‌మ‌న్నా, శ్రుతి హాస‌న్‌కాస్త నెమ్మ‌దించ‌డంతో  కాజ‌ల్‌కి మ‌రిన్ని అవ‌కాశాలు వ‌స్తున్నాయి. ప్ర‌స్తుతం తీరిక స‌ల‌ప‌ని బిజీలో ఉన్న కాజ‌ల్ చేతిలో మ‌రో ప్రాజెక్టు చేరిపోయింది. రవితేజ‌తో క‌ల‌సి న‌టించ‌డానికి కాజ‌ల్ ఒప్పుకొంది. సంతోష్ శ్రీ‌నివాస్ ద‌ర్శ‌క‌త్వంలో ర‌వితేజ క‌థానాయ‌కుడిగా ఓ చిత్రం రూపొందుతోంది.

మైత్రీ మూవీస్ నిర్మిస్తున్న ఈ చిత్రంలో కాజ‌ల్ ని క‌థానాయిక‌గా ఎంచుకున్నారు. ర‌వితేజ - కాజ‌ల్‌ల కాంబోలో ఇది మూడో సినిమా. ఇది వ‌ర‌కు వ‌చ్చిన `వీర‌`, `సారొచ్చారు` ఫ్లాపులుగా మిగిలాయి. ఈసారైనా ఈ కాంబో హిట్ కొడుతుందేమో చూడాలి.  ఓవైపు శ్రీ‌నువైట్ల‌తో ఓ సినిమా చేస్తున్నాడు ర‌వితేజ‌. అది పూర్త‌వ్వ‌గానే సంతోష్ శ్రీ‌నివాస్ చిత్రం సెట్స్‌పైకి వెళ్తుంది.