ఈసారి బిగ్ బాస్ 3లో సెల‌బ్రెటీలు బాగానే క‌నిపించే అవ‌కాశాలున్నాయి. బిగ్ బాస్ 2 సెల‌బ్రెటీల లేమితో కాస్త క‌ళ త‌ప్పింది. అయితే ఈసారి ఆ లోటు లేకుండా స్టార్ మా వాళ్లు త‌గిన జాగ్ర‌త్త‌లు తీసుకుంటున్నారు. పేరున్న వాళ్ల‌నే ప‌ట్టుకురావాల‌ని గ‌ట్టి ప్ర‌య‌త్నాలు చేస్తున్నారు. అందులో భాగంగా ప‌వ‌న్ క‌ల్యాణ్ మాజీ భార్య , సినీ న‌టి, నిర్మాత రేణూ దేశాయ్‌ని రంగంలోకి దింపాల‌ని బిగ్ బాస్ మేనేజ్‌మెంట్ భావిస్తోంది. ఈ విష‌య‌మై రేణూతో బిగ్ బాస్ టీమ్ సంప్ర‌దించింది.

బిగ్ బాస్ 3లో పాలుపంచుకోవ‌డానికి రేణూ కూడా ఒప్పుకున్న‌ట్టు తెలుస్తోంది. అయితే కొన్ని ష‌ర‌తులు విధించింద‌ట‌. బిగ్ బాస్ 3లో పాల్గొనే మిగిలిన సెల‌బ్రెటీలు ఎవ‌రు? నా పారితోషికం ఎంత‌? అనే విష‌యాల‌పై రేణూ స్ప‌ష్ట‌మైన డిమాండ్లు చేసింద‌ని తెలుస్తోంది. రేణూకి అంద‌రికంటే ఎక్కువ పారితోషికం ముట్ట‌జెప్ప‌డానికి కూడా బిగ్ బాస్ టీమ్ సై అంద‌ని తెలుస్తోంది. బిగ్ బాస్ 3లో పాలుపంచుకునే మిగిలిన సెల‌బ్రెటీ పేర్లు కూడా రేణూకి ముందే తెలియ‌జేశార‌ని, దాంతో రేణూ ఈ షోలో అడుగుపెట్ట‌డానికి రెడీ అయ్యింద‌ని తెలుస్తోంది.