రజనీకాంత్‌ సినిమా అంటే ఎప్పుడూ క్రేజే. రజనీకాంత్‌ తమిళ హీరోనే అయినప్పటికీ, తెలుగులోనూ ఆయనికి బోలెడంత క్రేజ్‌ ఉంది. అందుకే ఆయన సినిమా తెలుగు రైట్స్‌ భారీ మొత్తంలో అమ్ముడయిపోతాయి. ప్రస్తుతం రజనీకాంత్‌ నటిస్తోన్న 'రోబోబ 2.0' సినిమా రైట్స్‌ కూడా భారీ మొత్తంలో అమ్ముడయ్యాయట. ఈ విషయాన్ని ఈ సినిమా నిర్మాత వెల్లడించారు. లైకా ప్రొడక్షన్స్‌ సంస్థ ఈ సినిమాని నిర్మిస్తోంది. అత్యంత భారీ బడ్జెట్‌ మూవీ ఇది. తెలుగులో ఈ సినిమా అమ్ముడైన భారీ మొత్తం ఎంతనే దానిపై రకరకాల గాసిప్స్‌ వస్తున్నాయి. డబ్బింగ్‌ సినిమానే అయినా కానీ స్ట్రెయిట్‌ భారీ బడ్జెట్‌ సినిమాకి ఖర్చు చేసినంత మొత్తం రజనీ కాంత్‌ సినిమా డబ్బింగ్‌ రైట్స్‌ కోసం ఖర్చు చేస్తూ ఉంటారు. ఎందుకంటే ఆయనకి తెలుగులో ఉన్న క్రేజే కారణం. వాస్తవానికి 'రోబో' తర్వాత రజనీకాంత్‌ సినిమాలేమీ విజయం సాధించలేదు. అయినా కానీ 'రోబో 2.0' సినిమాపై అంచనాలు మాత్రం తగ్గడం లేదు. విపరీతమైన హైప్‌ క్రియేట్‌ అవుతోంది ఈ సినిమాకి. బాలీవుడ్‌ హీరో అక్షయ్‌ కుమార్‌ ఈ సినిమాలో నెగిటివ్‌ రోల్‌లో కనిపించనున్నాడు. ముద్దుగుమ్మ అమీజాక్సన్‌ హీరోయిన్‌గా నటిస్తోంది. క్రియేటివ్‌ డైరెక్టర్‌ శంకర్‌ ఈ సినిమాని అత్యంత భారీ బడ్జెట్‌తో విజువల్‌గా ఎక్స్‌లెంట్‌ అనిపించేలా తెరకెక్కిస్తున్నారు.