బోయపాటి శీను దర్శకత్వంలో చరణ్‌ సినిమా ఉందన్న సంగతి తెలిసిందే. ఆల్రెడీ ఈ సినిమా సెట్స్‌పైకి వెళ్లింది. చరణ్‌ లేకుండానే ఫస్ట్‌ షెడ్యూల్‌ షూటింగ్‌ జరిగిపోయిందట కూడా. చరణ్‌ ప్రస్తుతం చేస్తున్న 'రంగస్థలం' సినిమా పూర్తి కాగానే కొత్త సినిమా సెట్స్‌లో అడుగుపెట్టనున్నాడు.
ఇదిలా ఉండగా, ఈ సినిమాలో చరణ్‌కి జోడీగా బాలీవుడ్‌ బ్యూటీ కైరా అద్వాణీ నటిస్తున్న సంగతి తెలిసిందే. అయితే ఓ ఇంపార్టెంట్‌ రోల్‌ కోసం 'ఫిదా' బ్యూటీ సాయి పల్లవిని పరిశీలిస్తున్నారట. ఈ పాత్ర సినిమాలో చాలా తక్కువ సేపే ఉంటుందట కానీ, కథకి చాలా కీలకమైన పాత్రట. సో మాంచి యాక్టింగ్‌ టాలెంట్‌ ఉన్న ముద్దుగుమ్మనే ఈ క్యారెక్టర్‌ కోసం ఎంచుకోవాలనీ, ఆ లిస్టులో మొదటగా ఉన్నది సాయి పల్లవి అనీ చిత్ర యూనిట్‌ భావిస్తోందట.
అయితే ఈ లిస్టులో మరో కొత్త భామ రష్మికా మండన్నా కూడా పరిశీలనలో ఉందట. ఇటీవలే 'ఛలో' సినిమాతో సక్సెస్‌ అందుకుని నటిగా డెబ్యూ మూవీతోనే మంచి మార్కులు కొట్టేసిందీ ముద్దుగుమ్మ. అయితే ఈ ఇద్దరిలోనూ, సాయి పల్లవికే ఎక్కువ ఓట్లు పడుతున్నాయట. నిడివి చాలా తక్కువ సేపే అయినా, ఆ క్యారెక్టర్‌కున్న ఇంపార్టెన్స్‌ని బట్టి, ఈ ఇద్దరిలో ఎవర్ని ఎంచుకుంటారనే అంశంపై ఆశక్తి నెలకొంది.
ప్రస్తుతం ఈ ఇద్దరు బ్యూటీస్‌ వరుస ఆఫర్స్‌తో బిజీగానే ఉన్నారు. సాయి పల్లవి శర్వానంద్‌తో ఓ సినిమాలో చేస్తోంది. మరో రెండు మూడు సినిమాలు చర్చల దశలో ఉన్నాయి. అలాగే రష్మికా మండన్నా 'అర్జున్‌రెడ్డి' హీరో విజయ్‌ దేవరకొండతో ఓ సినిమాలో నటిస్తోంది. మరి మెగా పవర్‌ స్టార్‌ సినిమాలో నటించే ఆ గోల్డెన్‌ ఛాన్స్‌ ఈ ఇద్దరి భామల్లో ఎవర్ని వరిస్తుందో చూడాలి. ఆ ఛాన్స్‌ ఇద్దరిలో ఎవరికి దక్కినా, అది ఖచ్చితంగా కెరీర్‌ బెస్ట్‌ ఛాన్సే!
