'ఫిదా' సినిమాతో తెలుగు ప్రేక్షకుల్ని ఫిదా చేసిన ముద్దుగుమ్మ సాయిపల్లవి. మెగా ప్రిన్స్‌ వరుణ్‌తేజ్‌కి కెరీర్‌ బెస్ట్‌ హిట్‌ 'ఫిదా' రూపంలో వచ్చింది. దానికి గల కారణాల్లో ఖచ్చితంగా సాయిపల్లవి పేరుంటుంది. ఇకపోతే ఇటీవల శర్వానంద్‌తో 'పడి పడి లేచె మనసు' చిత్రంలో నటించిన సాయిపల్లవి ఆశించిన రిజల్ట్‌ అందుకోలేకపోయింది. ఇదిలా ఉంటే తాజాగా ఆమె పేరు మహేష్‌బాబు సినిమా కోసం గట్టిగా వినిపిస్తోంది.
'మహర్షి' తర్వాత మహేష్‌బాబు - అనిల్‌రావిపూడి కాంబినేషన్‌లో సినిమా తెరకెక్కుతోన్న సంగతి తెలిసిందే. ఈ సినిమా కోసం సాయిపల్లవితో సంప్రదింపులు జరుగుతున్నాయట. అయితే ఆల్రెడీ సాయిపల్లవిని అడిగారనీ, ఆమె నో చెప్పిందనీ గాసిప్స్‌ వస్తున్నాయి. అయితే ఈ ప్రాజెక్ట్‌ విషయంలో దర్శకుడు అనిల్‌ రావిపూడే ఇంకా ఓ క్లారిటీకి వచ్చింది లేదు. రీసెంట్‌గా అనిల్‌ ఈ ప్రాజెక్ట్‌ని టేకప్‌ చేస్తున్నట్లుగా సోషల్‌ మీడియాలో కన్‌ఫామ్‌ చేశాడు.
సో గతంలోనే సాయిపల్లవితో సంప్రదింపులు ఎలా జరుపుతారు.? ఈ పాయింట్‌ పక్కన పెడితే, తాజాగా ప్రీ ప్రొడక్షన్‌ పనులు జరుపుతున్న అనిల్‌ రావిపూడి ఈ సినిమాలో హీరోయిన్‌గా సాయిపల్లవిని ఎంచుకునే యోచనలోనే ఉన్నాడనీ అత్యంత విశ్వసనీయ వర్గాల ద్వారా తాజాగా అందుతోన్న సమాచారమ్‌. అదే జరిగితే సాయిపల్లవి దశ తిరిగినట్లే. ఆల్రెడీ సాయి పల్లవి అంటే ఓ రకమైన గుర్తింపు ఉంది. ఇక స్టార్‌ హీరో మహేష్ సరసన చోటు దక్కించుకుందంటే నెక్ట్స్‌ లెవల్‌కి చేరుకున్నట్లే.
