తెలుగులో 'భరత్‌ అను నేను' టైటిల్‌తో మహేష్‌బాబు హీరోగా సినిమా తెరకెక్కుతోంది. కొరటాల శివ ఈ సినిమాని తెరకెక్కిస్తున్నారు. పొలిటికల్‌ బ్యాక్‌ డ్రాప్‌లో ఈ సినిమా రూపొందుతోన్న ఈ సినిమాలో బాలీవుడ్‌ బ్యూటీ కైరా అద్వాణీ హీరోయిన్‌గా నటిస్తోంది. మహేష్‌బాబు ముఖ్యమంత్రి పాత్రలో నటిస్తున్నారు ఈ సినిమాలో. ఇటీవలే ఈ సినిమా నుండి విడుదలైన పోస్టర్‌కి రెస్పాన్స్‌ అదిరిపోతోంది. ఇదీ టాలీవుడ్‌ భరత్‌ స్టోరీ. కాగా బాలీవుడ్‌లోనూ 'భరత్‌' అనే టైటిల్‌తో ఓ సినిమా తెరకెక్కుతోంది. సల్మాన్‌ఖాన్‌ ఈ సినిమాలో హీరో. అతుల్‌ అగ్నిహోత్రి ఈ సినిమాకి నిర్మాతగా వ్యవహరిస్తున్నారు. అలీ అబ్బాస్‌ జఫర్‌ ఈ సినిమాని తెరకెక్కిస్తున్నారు. ఇది ఓ కొరియన్‌ సినిమా స్పూర్తితో తెరకెక్కుతోన్న సినిమా. దేశభక్తి ప్రధానాంశంగా తెరకెక్కుతోన్న చిత్రమిది. దేశంలో గడిచిన అరవై, డెబ్భై ఏళ్లలో వచ్చిన మార్పులకనుగుణంగా ఈ సినిమా రూపొందుతోంది. ఇదో పీరియాడికల్‌ మూవీ. ప్రతీ సంవత్సరం ఈద్‌కి సల్మాన్‌ఖాన్‌ సినిమా రిలీజ్‌ కావడం ఆనవాయితీగా వస్తోంది బాలీవుడ్‌లో. ఈ సినిమా 2019 ఈద్‌ స్పెషల్‌గా ప్రేక్షకుల ముందుకు రానుంది. కాగా వచ్చే ఏడాది తెలుగులో మహేష్‌ 'భరత్‌ అను నేను' సినిమా రానుంది. ఈ సినిమాను మొదట్లో సంక్రాంతికి రిలీజ్‌ చేయాలనుకున్నారు. కానీ కుదరలేదు. సో ఆ డేట్‌ సమ్మర్‌కి అనగా ఏప్రిల్‌కి పోస్ట్‌పోన్‌ అయ్యింది. మరో పక్క సల్మాన్‌ఖాన్‌, అలీ అబ్బాస్‌ దర్శకత్వంలో నటిస్తున్న 'టైగర్‌ జిందాహై' చిత్రం విడుదలకు సిద్ధంగా ఉంది. డిశంబరులో ఈ సినిమా ప్రేక్షకుల ముందుకు రానుంది. ముద్దుగుమ్మ కత్రినా కైఫ్‌ ఈ సినిమాలో సల్మాన్‌తో జత కడుతోంది.