'రాజుగారి గది 2'లో ముద్దుగుమ్మ సమంత దయ్యంలా కనిపించింది. ఇప్పుడు దెయ్యం మిస్టరీని చేధించే డైనమిక్‌ యువతి పాత్రలో సమంత కనిపించబోతోంది. కన్నడలో సూపర్‌ హిట్‌ అయిన 'యూ టర్న్‌' సినిమాని తాజాగా రీమేక్‌ చేస్తున్నారు. 

తెలుగు, తమిళ భాషల్లో ఈ సినిమాని రూపొందిస్తున్నారు. కన్నడ దర్శకుడు పవన్‌ కుమార్‌ ఈ సినిమాని తెరకెక్కిస్తున్నారు. ఇదొక రోడ్‌ మిస్టరీగా తెరకెక్కుతోన్న సినిమా. ఒక యూటర్న్‌ కొందరి జీవితాలతో ఎలా ఆటలాడుకుంది అనేది కీలకమైన పాయింట్‌ ఈ సినిమాలో. క్రైమ్‌ థ్రిల్లర్‌ ప్లస్‌ ఆత్మలకు సంబంధించిన స్టోరీ ఇది. వెరీ వెరీ ఇంట్రెస్టింగ్‌ స్టోరీ. స్టార్టింగ్‌ నుండి, ఎండింగ్‌ వరకూ మంచి థ్రిల్‌ కలిగిస్తుంది. సమంతది ఈ సినిమాలో చాలా కీలకమైన పాత్ర. 

ఎన్నో గ్లామరస్‌ పాత్రల్లో నటించిన సమంతకు నటిగా ఓ ఛాలెంజింగ్‌ రోల్‌ కానుంది ఇది. కన్నడలో శ్రద్ధా శ్రీనాధ్‌ ఈ పాత్ర పోషించింది. 'రాజుగారి గది 2'లో నాగార్జున, డెయ్యం పాత్ర అయిన సమంతకు సాయం చేస్తాడు. ఈ సినిమాలో దెయ్యం పాత్రకు సమంత సాయం చేస్తుంది. అదీ సినిమా స్టోరీ. ఫిబ్రవరిలో సినిమా సెట్స్‌ మీదికెళ్లనుంది. ఈ తరహా పాత్రలో నటించడం తనకెంతో సంతోషంగా ఉందంటోంది ముద్దుగుమ్మ సమంత. మరో పక్క సమంత ప్రస్తుతం 'రంగస్థలం' సినిమాలో నటిస్తోంది. 

ఈ సినిమాలో సమంత పోషించే పాత్ర కూడా విలక్షణంగానే ఉండబోతోంది. మామూలు గ్లామర్‌ పాత్రలకు భిన్నమైన పాత్ర ఇది. అచ్చమైన పల్లెటూరి అమ్మాయి పాత్ర. చాలా కొత్తగా కనిపిస్తుంది సమంత ఈ పాత్రలో. చరణ్‌ హీరోగా తెరకెక్కుతోన్న ఈ సినిమాకి సుకుమార్‌ దర్శకత్వం వహిస్తున్నారు. మార్చి 30న ఈ సినిమా ప్రేక్షకుల ముందుకు రానుంది.