సమంత ప్రధాన పాత్రలో నటించిన 'ఓ బేబీ'కి ధియేటర్స్‌లో హ్యూజ్‌ రెస్పాన్స్‌ వస్తోంది. ఈ సినిమాకి రివ్యూలన్నీ పోజిటివ్‌గా రావడం, సమంత నటనను అందరూ ప్రముఖంగా పొగడ్తలతో ముంచెత్తేస్తుండడంతో ఆ ఆనందం పట్టలేకపోతోందట సమంత. ఈ రెస్పాన్స్‌ తనలో కొత్త ఉత్సాహాన్ని నింపిందనీ, మరిన్ని ఇలాంటి చిత్రాలు చేయడానికి స్పూర్తినిచ్చిందనీ సమంత సంతోషంగా చెబుతోంది. సినిమాని ప్రశంసించిన కొన్ని వెబ్‌సైట్లకు సోషల్‌ మీడియాలో సమంత రిప్లైలు ఇచ్చింది.
తన సినిమాకి ఇంతటి పోజిటివ్‌ రెస్పాన్స్‌ ఇచ్చిన ప్రతీ ఒక్కరికీ ధన్యవాదాలు తెలిపింది. రీమేక్‌ సినిమా అయినా, భావోద్వేగాల్ని క్యాచ్‌ చేయడంలో దర్శకురాలు నందినీ రెడ్డి టేకింగ్‌ బావుందనీ, ఆ పాత్రకు సమంత వంటి నటిని ఎంచుకోవడంలో ఆమె విజువల్‌ పర్‌ఫెక్ట్‌ అనీ ఆమెకూ ప్రశంసలు దక్కుతున్నాయి. ఇక ఈ సినిమాలో నటించిన ప్రతీ పాత్రకూ ఇలాంటి ప్రశంసలే దక్కుతున్నాయి.
సమంతకు తెలుగుతో పాటు, తమిళంలోనూ ఫ్యాన్స్‌ ఉన్నారు. తమిళ ఫ్యాన్స్‌ కూడా సమంతను పొగడ్తలతో ముంచెత్తేస్తున్నారు. 'ఓ బేబీ'కి ఇంతటి ఘన విజయం కట్టబెట్టినందుకు ఓ బేబీ చిత్ర యూనిట్‌ ఫీలింగ్‌ ఇలా ఉంది అంటూ.. ధనుష్‌ ఊరమాస్‌ స్టెప్పులేస్తున్న వీడియో ఒకటి సమంత తన ట్విట్టర్‌లో పోస్ట్‌ చేసి, ఇన్నోవేటివ్‌గా రెస్పాన్స్‌ తెలిపిన వైనం భలేగుంది.
