ఈ రోజు అక్కినేని అందగాడు అఖిల్‌ బర్త్‌డే. ఈ సందర్భంగా ముద్దుగుమ్మ సాయేషా సైగల్‌, అఖిల్‌కి పుట్టిన రోజు శుభాకాంక్షలు తెలుపుతూ ట్విట్టర్‌లో ఓ ఫోటో పోస్ట్‌ చేసింది. ఈ ముద్దుగుమ్మ అఖిల్‌తో కలిసి 'అఖిల్‌' సినిమాలో నటించింది. ఈ ఇద్దరికీ ఇదే తెలుగులో ఫస్ట్‌ ఫిలిం. సినిమా ఆశించినంత విజయాన్ని అందుకోలేకపోయినా, ఈ ఇద్దరూ నటనలోనూ, డాన్సుల్లోనూ అదరగొట్టేశారు. మంచి కెమిస్ట్రీ వర్క్‌ అవుట్‌ అయ్యింది వీరిద్దరికీ స్క్రీన్‌పై. అందుకే అఖిల్‌కి విశేషంగా బర్త్‌డే విషెస్‌ తెలిపింది ఈ ముద్దుగుమ్మ సాయేషా సైగల్‌. అలాగే అఖిల్‌ యు ఆర్‌ ది బెస్ట్‌.. అంటూ కాంప్లిమెంట్‌ కూడా ఇచ్చేసింది సాయేషా. తెలుగు సినిమాలంటే తనకెంతో ఇష్టమనీ, తొలి సినిమా ఫెయిల్యూర్‌ కావడంతో మళ్లీ అవకాశాలు రాలేదనీ అంటోంది. అయినా కానీ తెలుగులో మంచి అవకాశం వస్తే తాను నటించడానికి ఎప్పటికీ సిద్దంగానే ఉంటానంటోంది. బాలీవుడ్‌లో అజయ్‌ దేవగణ్‌తో 'శివాయ్‌'లో నటించింది ఈ ముద్దుగుమ్మ. మరో పక్క అఖిల్‌ రెండో సినిమాకి ప్రిపేర్‌ అవుతున్నాడు. విక్రమ్‌ కుమార్‌ డైరెక్షన్‌లో అఖిల్‌ కొత్త సినిమా స్టార్ట్‌ అయిన సంగతి తెలిసిందే. ఇటీవలే ఈ సినిమా లాంఛనంగా ప్రారంభమైంది. ఇది అఖిల్‌కి రీ లాంచ్‌ మూవీగా తెరకెక్కుతోంది. ఈ సినిమాలో లవర్‌ బోయ్‌లా అలరించనున్నాడు అఖిల్‌.