బాబు గోగినేని పై కేసు నమోదు

By iQlikMovies - June 27, 2018 - 15:06 PM IST

మరిన్ని వార్తలు

ప్రముఖ హేతువాది అయిన బాబు గోగినేని పైన మాదాపూర్ పోలీసు స్టేషన్ లో సుమారు 13 సెక్షన్ల క్రింద కేసు నమోదయింది.

 

ఇంతకి ఆయన పై మోపబడిన అభియోగాలు ఏంటంటే- సౌత్ ఏషియన్ హ్యుమనిస్ట్ అసోసియేషన్ పేరిట నిర్వహించే కార్యక్రమాలలో పాల్గొనేవారి వద్ద నుండి ఆధార కార్డు వివరాలు సేకరించి దానిని విదేశాలకు చేరవేస్తున్నారు అని. ఇది ఆధార్ నిబంధనలకి వ్యతిరేకం కాగా ఈ సంస్థకి ఆయన ఫౌండర్ గా ఉండడంతో ఈయన పైన దేశద్రోహం కేసు నమోదు చేయబడింది.

అదే సమయంలో ఆయన సోషల్ మీడియా లో తన వీడియోల ద్వారా మతాల పైన విద్వేషం కలిగించేలా మాట్లాడాడు అని కూడా ఆ అభియోగా పత్రాల్లో పేర్కొనడం జరిగింది. అయితే బాబు గోగినేని పైన ఈ ఫిర్యాదు చేసింది వీర నారాయణ అనే వ్యక్తి. ముందుగా వీర నారాయణ ఈ అభియోగాలతో కోర్టుని ఆశ్రయించగా వారు మాదాపూర్ పోలీసు స్టేషన్ లో కేసు నమోదు చేయవలసిందిగా ఆదేశించారు.

మరి ఈ కేసు విచారణ జరగాలన్నా ఈ ఆరోపణలకి బాబు గోగినేని సమాధానం చెప్పాలన్నా కూడా ఆయన ముందుగా బిగ్ బాస్ హౌస్ నుండి బయటకి రావాలి. మరి ఆయన వచ్చేవరకు పోలీసులు వేచి చూస్తారా? లేదా? అనేది తెలియాల్సి ఉంది.

 


JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS