చైల్డ్‌ ఆర్టిస్టుగా ముద్దులొలికే మాటల్తో తెలుగ ఆడియన్స్‌ని కట్టి పడేసిన చిన్నారి షామిలీ హీరోయిన్‌గా తొలి సినిమా 'ఓయ్‌'లో నటించింది. ఎంట్రీ ఈ భామకి అంతగా కలిసి రాలేదు. సినిమా సక్సెస్‌ కాలేదు సరికదా. లావుగా ఉందంటూ, హీరోయిన్‌ మెటీరియల్‌ కాదంటూ బోలెడన్ని నెగిటివ్‌ కామెంట్లు వెనకేసుకుంది. 

ఆ సినిమా తర్వాత ఈ ముద్దుగుమ్మ మరే సినిమాలోనూ కనిపించకపోయేసరికి, ఇక సినిమాలకు షామిలీ టాటా బైబై చెప్పేసింది కాబోలు అనుకున్నారంతా. కానీ తాజాగా యంగ్‌ హీరో నాగశౌర్యతో 'అమ్మమ్మగారిల్లు' అంటూ మళ్లీ సెకండ్‌ ఎంట్రీ ఇవ్వబోతోంది. ఈ నెల 25న 'అమ్మమ్మగారిల్లు' సినిమా ప్రేక్షకుల ముందుకు రానుంది. 

ఇటీవల 'ఛలో' సినిమాతో నాగశౌర్య మంచి హిట్‌ కొట్టాడు. ఈ సినిమాతోనూ ఎట్రాక్ట్‌ చేస్తున్నాడు. హాట్‌ సమ్మర్‌లో 'అమ్మమ్మగారిల్లు' సిట్యువేషనల్‌గా ఉండడంతో, ఆడియన్స్‌ ముఖ్యంగా ఫ్యామిలీ ఆడియన్స్‌ ఈ సినిమా వైపు ఎక్కువగా ఎట్రాక్ట్‌ అయ్యేలానే ఉన్నారు. ప్రోమోస్‌లో విలేజ్‌ నేటివిటీని అందంగా చూపిస్తున్నారు. 

ఈ మధ్య విలేజ్‌ నేటివిటీతో వస్తున్న సినిమాలు ఆడియన్స్‌కి బాగా కనెక్ట్‌ అవుతున్నాయి. ఆ కోవలో 'అమ్మమ్మగారిల్లు' చిత్రానికి సక్సెస్‌ కళ కనిపిస్తోంది. అంతేకాదు, 'అమ్మమ్మగారిల్లు' అనే టైటిల్‌కే చాలా మంది పడిపోయారు. ఎందుకంటే ప్రతీ ఒక్కరి జీవితంలోనూ అమ్మమ్మ ఇంటితో మాటల్లో చెప్పలేని ఎటాచ్‌మెంట్‌ ఉంటుంది. అందుకే ఈ సినిమాపై అంచనాలున్నాయి. అందులోనూ నాగశౌర్య మంచి ఫామ్‌లో ఉన్నాడు. 

సో 'ఓయ్‌'తో నిరాశ పరిచిన షామిలి 'అమ్మమ్మగారిల్లు'తో హిట్‌ కొడుతుందేమో చూడాలిక.