మళ్లీ 'పొగరు' చూపిస్తుందా?

మరిన్ని వార్తలు

శ్రియా రెడ్డి ఈ ముద్దుగుమ్మ ఎవరో గుర్తుందా? విశాల్‌ హీరోగా నటించిన 'పొగరు' సినిమాలో తన పొగరు ప్రదర్శించింది కదా. హీరోకి ధీటుగా ఆమె క్యారెక్టర్‌ ఉంటుంది ఈ సినిమాలో. నెగిటివ్‌ షేడ్స్‌ ఉన్న పాత్ర అది. ఆ సినిమాతోనే శ్రియా రెడ్డి పాపులర్‌ అయ్యింది. తర్వాత 'అమ్మ చెప్పింది' సినిమాలో శర్వానంద్‌కి జోడీగా నటించింది. తెలుగులో చేసినవి చాలా తక్కువ సినిమాలే అయినా కానీ, అనువాద చిత్రం అయినా 'పొగరు'తోనే అమ్మడు పాపులర్‌ అయ్యింది. ఆ తర్వాత విశాల్‌ సోదరుడు విక్రమ్‌ కృష్ణని పెళ్లి చేసుకుని సినిమాలకు గుడ్‌ బై చెప్పేసింది. అంటే నటిగా బాయ్‌ చెప్పేసినా, ప్రొడక్షన్‌ ఫీల్డ్‌లో తన సత్తా చాటింది. విక్రమ్‌ సినిమాల ప్రొడక్షన్‌ బాధ్యతలను చూసుకుంటూ బిజీ అయిపోయింది శ్రియా రెడ్డి. ఇప్పటిదాకా ప్రొడక్షన్‌ ఫీల్డ్‌లోనే ఉన్న శ్రియా రెడ్డికి మళ్లీ నటన వైపు మనసు మళ్లింది. తాజాగా ఓ సినిమాలో నటించేందుకు శ్రియా ముందుకొచ్చింది. 'అండావ కానోం' అనే సినిమాలో శ్రియా రెడ్డి ఓ ముఖ్య పాత్ర పోషించనుందట. అది 'పొగరు' తరహాలో ఉండే పాత్రని ప్రచారం జరుగుతోంది. వేల్‌ మది డైరెక్షన్‌లో ఈ సినిమా తెరకెక్కుతోంది. ఇకపై ఈ ముద్దుగుమ్మ సినిమాల్లో కంటిన్యూ అవ్వాలనుకుంటోందట. తమిళంలోనే కాదు, మంచి అవకాశాలు వస్తే తెలుగులోనూ నటించేందుకు సిద్ధమే అంటోంది శ్రియా రెడ్డి. ఓ ఛానెల్‌లో హాటెస్ట్‌ యాంకర్‌గా శ్రియా రెడ్డి ఒకప్పుడు బుల్లితెర ప్రేక్షకులకు కూడా సుపరిచితురాలే.

Tags:

JOIN THE iqlik movies CONVERSATION

To fine out more about Facebook commenting please read the Conversation Guidelines and FAQS