నాగ‌చైత‌న్య- స‌మంత‌... టాలీవుడ్ సూప‌ర్ జంట‌ల్లో ఇదొక‌టి. రీలు జీవితంలో అలరించిన వాళ్లే... నిజ జీవితంలోనూ 'జంట‌'గా మారారు. పెళ్ల‌య్యాక వీరిద్ద‌రూ క‌ల‌సి న‌టిస్తున్న తొలి చిత్రం 'మ‌జ‌లీ'. ఇప్ప‌టికే విడుద‌లైన టీజ‌ర్‌కు మంచి స్పంద‌న వ‌చ్చింది. పైగా హిట్ కాంబినేష‌న్‌. అందుకే...ఈ సినిమా రైట్స్‌కి రెక్క‌లొచ్చాయి. డిజిట‌ల్‌, శాటిలైట్ రూపంలో మంచి ధ‌రే ప‌లికింది.

'మ‌జిలీ' శాటిలైట్ హ‌క్కుల్ని జెమిని టీవీ 5 కోట్లకు కొనుగోలు చేసింది. అమేజాన్ నుంచి రూ.3.5 కోట్లు వ‌చ్చాయి. హిందీ శాటిలైట్ రూపంలో మ‌రో 4 కోట్లు వ‌చ్చాయి. అంటే డిజిట‌ల్ ప‌రంగా 12.5 కోట్లు వ‌చ్చేశాయ‌న్న‌మాట‌. చైతూకి వ‌రుస ఫ్లాపులు ఉన్నాయి. 'శైల‌జా రెడ్డి అల్లుడు', 'స‌వ్య‌సాచి' బాగా దెబ్బ‌తీశాయి. అయినా స‌రే...ఈ స్థాయిలో శాటిలైట్, డిజిటల్ రైట్స్ రావ‌డం ఆశ్చ‌ర్య‌క‌ర‌మే. శివ నిర్వాణ ద‌ర్శ‌క‌త్వం వ‌హించిన ఈ చిత్రాన్ని సితార ఎంట‌ర్‌టైన్‌మెంట్స్ సంస్థ నిర్మించింది.