అక్కినేని బుల్లోడు నాగచైతన్య ప్రస్తుతం 'మజిలీ' చిత్రంలో నటిస్తున్నాడు. సమంత హీరోయిన్‌గా నటిస్తోంది. చైతూ, సమంత పెళ్లి తర్వాత ఈ సినిమాతో తొలిసారి స్క్రీన్‌ షేర్‌ చేసుకుంటున్నారు. ఇటీవల విడుదలైన ఈ సినిమా టీజర్‌ మంచి రెస్పాన్స్‌ అందుకున్న సంగతి తెలిసిందే. సమంత దూకుడుని బట్టి ఈ సినిమాపై ఎక్కువ అంచనాలున్నాయి.
గమనించాల్సిన మరో ముఖ్య విషయమేంటంటే, చైతూ కెరీర్‌లో 'ప్రేమమ్‌' మంచి విజయాన్ని అందించింది. ఆ సినిమాలో చైతూ టీనేజ్‌ బోయ్‌ లుక్‌లో కనిపిస్తాడు. ఇంచుమించు అలాంటి లుక్‌లోనే చైతూ 'మజిలీ'లో కూడా కనిపిస్తున్నాడు. టీనేజ్‌లో లవ్‌ స్టోరీ. ఆ లవ్‌స్టోరీ బ్రేకప్‌ కావడం.. ఇలా కొన్ని సీన్లు సెంటిమెంట్‌ వర్కవుట్‌ అయ్యేలా ఉన్నాయి. టీనేజ్‌లో దివ్యాంశ కౌశిక్‌ని చైతూ లవ్‌ చేస్తాడు. కానీ సమంతతో పెళ్లి జరిగిపోతుంది.
పెళ్లి తర్వాత వీరిమధ్య చోటు చేసుకున్న సంఘటనలేంటీ.? అనే కోణంలోనే కొన్ని థ్రిల్లింగ్‌ అంశాల్ని జత చేసి ఈ సినిమాని తెరకెక్కించారు. 'నిన్ను కోరి' ఫేం శివ నిర్వాణ ఈ సినిమాకి దర్శకుడు. సమ్మర్‌ స్పెషల్‌గా 'మజిలీ' ప్రేక్షకుల ముందుకు రానుంది. 'సవ్యసాచి' సినిమాపై భారీగా ఆశలు పెట్టుకున్న చైతూకి తీరని నిరాశే మిగిలింది. ఇక ఇప్పుడు 'మజిలీ'తో భార్య సమంత రూపంలో అదృష్టం తలుపు తడుతుందేమో చూడాలిక.
