రియ‌ల్ స్టార్ గా పేరు తెచ్చుకుని, యాక్ష‌న్ హీరోగా గుర్తింపు సంపాదించుకున్నారు శ్రీ‌హ‌రి. విల‌న్‌గా, హాస్య న‌టుడిగా, క్యారెక్ట‌ర్ ఆర్టిస్టుగా, హీరోగా.. అంచ‌లంచెలుగా ఎదిగారు శ్రీ‌హ‌రి. 2013లో శ్రీ‌హ‌రి హ‌ఠాన్మ‌ర‌ణం చిత్ర‌సీమ‌ని, ఆయ‌న అభిమానుల్ని క‌ల‌చి వేసింది. అప్ప‌టి నుంచి శ్రీ‌హ‌రి కుటుంబ స‌భ్యులు మీడియాకు దూరంగానే ఉంటూ వ‌చ్చారు. ఇప్పుడు శ్రీ‌హ‌రి కుమారుడు మేఘాంష్ క‌థానాయ‌కుడిగా ప‌రిచ‌యం అవ్వ‌బోతున్నాడు. శ్రీ‌హ‌రి క‌థానాయ‌కుడిగా న‌టించిన కొన్ని చిత్రాల్లో మేఘాంష్ బాల న‌టుడిగా క‌నిపించాడు.

ఇప్పుడు హీరోగా ఎంట్రీ ఇవ్వ‌డానికి స‌ర్వం సిద్ధ‌మైంది. మేఘాంష్ క‌థానాయ‌కుడిగా `రాజ్‌దూత్‌` అనే ఓ సినిమా తెర‌కెక్క‌నున్న‌ద‌ని స‌మాచారం. రాజ్ దూత్ అనేది ఓ బైక్ కంపెనీ పేరు. ఆ బైక్ చుట్టూ ఈ క‌థ న‌డుస్తుంద‌ని తెలుస్తోంది. అల్లు అర్జున్ సినిమా `ఐకాన్‌` కూడా ఓ బండి చుట్టూనే న‌డుస్తోంది. అంటే ఇద్ద‌రి స్టోరీల‌కూ ఏదో లింకు ఉంద‌న్న‌మాట‌. అర్జున్ - కార్తీక్ అనే ద‌ర్శ‌క ద్వ‌యం ఈ చిత్రాన్ని తెర‌కెక్కించింది. షూటింగ్ కూడా పూర్తి కావొచ్చింది. త్వ‌ర‌లోనే ప్ర‌మోష‌న్లు కూడా మొద‌లెడ‌తారు.