అక్కినేని కోడలు సమంతకు తిరుగే లేదు. హిట్టు మీద హిట్టు కొడుతూ, తెలుగు, తమిళం అనే తేడా లేకుండా సత్తా చాటుతోంది. తాజాగా తమిళ సినిమా 'సూపర్‌ డీలక్స్‌'తో సమంత మరోసారి సూపర్‌ హిట్‌ కొట్టేసింది. లేటెస్ట్‌గా ప్రేక్షకుల ముందుకొచ్చిన ఈ సినిమాకి మౌత్‌ టాక్‌ బాగా ఉంది. సినిమాలో సమంత ఉంది. ఇంకేముంది. సమంత ఫాలోయింగ్‌ సంగతి తెలుసు కదా. ఆమె ప్రధాన పాత్రలో రూపొందిన 'యూటర్న్‌'తో మంచి విజయాన్ని తన ఖాతాలో వేసుకుంది సమంత.
ఇప్పుడు డబ్బింగ్‌ మూవీనే అయినా 'సూపర్‌డీలక్స్‌'ని సైతం ఓన్‌ చేసుకున్నారు సమంత అభిమానులు. సో ఆ రిజల్టే ఇది. ఇక ఈ సినిమాలో తమిళ నటుడు విజయ్‌ సేతుపతి గురించి మాట్లాడుకోవాలి. ఇటీవల విజయ్‌ సేతుపతి పేరు కోలీవుడ్‌తో పాటు, ఇతర భాషల్లో కూడా మార్మోగిపోతోంది. అందుకు కారణం ఆయన ఎంచుకుంటున్న సబ్జెక్ట్‌లే. ఏదో కమర్షియల్‌ ఎలిమెంట్స్‌ కోసమే సినిమా అని కాకుండా, విజయ్‌ సేతుపతి ఎంచుకుంటున్న సబ్జెక్ట్స్‌ సొసైటీకి బాగా కనెక్ట్‌ అవుతున్నాయి.
దాంతో పాటు బాక్సాఫీస్‌కి హిట్లూ తెచ్చిపెడుతున్నాయి. అలా 'సూపర్‌డీలక్స్‌'కి ఇటు విజయ్‌, అటు సమంత ఇద్దరి పర్‌ఫామెన్స్‌ తోడై, మంచి టాక్‌ తెచ్చుకుంది. ఇకపోతే ఈయన త్వరలో 'సైరా' సినిమాతో ప్రేక్షకుల ముందుకు రానున్న సంగతి తెలిసిందే. మరోవైపు సమంత నుండి మరో రెండు సినిమాలు విడుదలకు సిద్ధంగా ఉన్నాయి. ఏప్రిల్‌ 5న రియల్‌ లైఫ్‌ భర్త చైతూతో 'మజిలీ' సినిమాతో రానుంది. ఆ తర్వాత ప్రయోగాత్మక చిత్రం 'ఓ బేబీ' రిలీజ్‌కి రెడీ అవుతోంది. అదీ సంగతి.
