బన్నీ - త్రివిక్రమ్‌ సినిమా లేటెస్ట్‌గా సెట్స్‌ పైకి వెళ్లిన సంగతి తెలిసిందే. ఈ సినిమా బడ్జెట్ విషయంలో బన్నీ, త్రివిక్రమ్‌ చాలా క్లారిటీగా ఉన్నారట. ఇటు బన్నీ కానీ, అటు త్రివిక్రమ్‌ కానీ సినిమాని చాలా ప్రతిష్ఠాత్మకంగా తీసుకున్నారు.. ఆ క్రమంలోనే అనుకున్న బడ్జెట్‌లోనే సినిమాని తెరకెక్కించాలని భావిస్తున్నారట వీరిద్దరూ. మామూలుగా అయితే త్రివిక్రమ్‌ సినిమాలకు అనుకున్న దానికన్నా కొంచెం ఎక్కువే బడ్జెట్ ఖర్చవుతుంది.
అయితే ఈ సినిమా విషయంలో పర్‌ఫెక్ట్‌ ప్లాన్‌తో ఉన్నాడనీ తెలుస్తోంది. అనుకున్న దానికన్నా ఒక్క రూపాయి కూడా ఎక్కువ కాకుండా, వీలైతే అంతకు తక్కువలోనే సినిమాని తెరకెక్కించాలని అనుకుంటున్నాడట. అలా అని నిర్మాణ పరంగా ఎక్కడా రాజీ పడకూడదనుకుంటున్నారట. అందుకు తగ్గట్లుగానే స్క్రిప్టును పకడ్బంధీగా ప్లాన్‌ చేశాడట. బన్నీ గత చిత్రాలూ, త్రివిక్రమ్‌ గత చిత్రాల రిజల్టే వీరిద్దరిలోనూ ఇంత గట్టి డెసిషన్‌కి కారణమై ఉండొచ్చు.
తమన్‌ మ్యూజిక్‌ అందిస్తున్న ఈ సినిమాలో పూజా హెగ్దే హీరోయిన్‌గా నటిస్తోంది. అల్లు అరవింద్‌, రాధాకృష్ణ సంయుక్తంగా నిర్మిస్తున్నారు. ఇక బన్నీ సినిమా అంటే అందరి దృష్టీ స్పెషల్‌ సాంగ్‌పై స్పెషల్‌గా ఉంటుంది. ఈ సినిమాలో స్పెషల్‌ సాంగ్‌ని తమన్‌ ఎలా కంపోజ్‌ చేయనున్నాడో కానీ, టాలీవుడ్‌ పాపులర్‌ హీరోయిన్‌ పేరు ఇప్పటికే స్పెషల్‌ సాంగ్‌ కోసం పరిశీలిస్తున్నారనీ సమాచారమ్‌.
