క‌రోనా అనుకున్నంత ప‌నీ చేస్తోంది. క‌రోనా ప్ర‌భావం వ‌ల్ల‌... సినిమాలు వాయిదా ప‌డే ప్ర‌మాదంలో ప‌డ్డాయి. ఈ ఉగాదిన తెలుగులో మంచి సినిమాలే వ‌స్తున్నాయి. అందులో నాని - సుధీర్ బాబుల 'వి' సినిమా ఒక‌టి. ఇంద్ర‌గంటి మోహ‌న కృష్ణ ఈ చిత్రానికి ద‌ర్శ‌కుడు. ఈ సినిమా ఇప్పుడు వాయిదా ప‌డ‌బోతోంద‌ని టాక్‌. ఉగాదిన విడుద‌ల కావాల్సిన ఈ చిత్రాన్ని క‌రోనా ప్ర‌భావంతో... వాయిదా వేయ‌బోతున్నార‌ని స‌మాచారం. అయితే అధికారిక ప్ర‌క‌ట‌న విడుద‌ల కావాల్సివుంది. ప‌రిస్థితులు స‌ద్దుమ‌ణిగాక ఈ చిత్రాన్ని విడుద‌ల చేస్తార‌ట‌.

ఈ ఉగాదిన ఒరేయ్ బుజ్జిగా కూడా రాబోతోంది. రాజ్ త‌రుణ్ క‌థానాయ‌కుడిగా న‌టించిన చిత్ర‌మిది. ఇప్పుడు ఈ సినిమా కూడా వాయిదా వేసే సూచ‌న‌లు ఉన్నాయి. ఏప్రిల్ 2న‌... అనుష్క `నిశ్శ‌బ్దం` విడుద‌ల కావాలి. అప్ప‌టికి ప‌రిస్థితుల్లో మార్పు వ‌స్తే ఫ‌ర్వాలేదు. లేదంటే దానికీ వాయిదా గండం త‌ప్ప‌దు. ఈ వారం ఆరేడు చిన్న చిత్రాలు విడుద‌ల‌య్యాయి. అయితే... వాటికి ప్రేక్ష‌కుల ఆద‌ర‌ణ ద‌క్క‌డం అనుమానంగానే ఉంది. థియేట‌ర్ల‌కు జ‌నం రాక‌పోవ‌డంతో చాలా చోట్ల ప్ర‌ద‌ర్శ‌న‌లు నిలిపివేశారు.