కోలీవుడ్ లో మ‌రో హాట్ వార్త చ‌క్క‌ర్లు కొడుతోంది. అక్క‌డి సూపర్ స్టార్ విజ‌య్‌కీ, మ‌న 'మ‌హాన‌టి' కీర్తి సురేష్‌కీ మ‌ధ్య ఏదో జ‌రుగుతోంద‌ని, ఇద్ద‌రి మ‌ధ్యా హాట్ హాట్ విష‌యాలేవో న‌డుస్తున్నాయ‌న్న‌ది కోలీవుడ్ టాక్‌. విజయ్ - కీర్తి క‌ల‌సి 'స‌ర్కార్‌'లో న‌టించారు. ఆ సినిమా సూప‌ర్ హిట్ట‌య్యింది. అప్ప‌టి నుంచీ ఇద్ద‌రి మ‌ధ్య సాన్నిహిత్యం పెరిగింద‌ని, విజ‌య్ త‌న నిర్మాత‌ల‌కు హీరోయిన్ గా కీర్తి పేరుని సూచిస్తున్నాడ‌ని, విజ‌య్ చెప్పేస‌రికి నిర్మాత‌లు కూడా కాద‌న‌లేక‌పోతున్నార‌ని తెలుస్తోంది.

తాజాగా చెన్నైలోని ఓ ఖ‌రీదైన ఏరియాలో కీర్తి సురేష్ ఓ ఫ్లాట్ కొనుగోలు చేసింది. అయితే ఈ ఫ్లాట్ బ‌హుమానంగా వ‌చ్చింద‌ని, ఆ ఫ్లాట్ ని విజ‌య్ కొనుగోలు చేసి, కీర్తికి బ‌హుమ‌తిగా అందించాడ‌ని చెన్నై వ‌ర్గాలు గుస‌గుస‌లాడుకుంటున్నాయి. విజ‌య్ విష‌యంలో ఇలాంటి పుకార్లు రావ‌డం మామూలే. అంత‌కు ముందు న‌య‌న‌తార‌కు కూడా విజ‌య్ ఇలానే ఖ‌రీదైన ఫ్లాట్ బ‌హుమ‌తిగా ఇచ్చాడ‌ని వార్త‌లొచ్చాయి. ఇప్పుడు కీర్తి పేరు క‌లిసిందంతే. నిజానిజాలేమిటో విజ‌య్, కీర్తి సురేష్‌ల‌కే తెలియాలి.