ప్రముఖ తమిళ హీరో విజయ్‌ సేతుపతి తెలుగు సినిమాలపై దృష్టి పెట్టినట్లు కనిపిస్తోంది. ఇప్పటికే మెగాస్టార్‌ 'సైరా'లో కీలక పాత్రలో నటిస్తున్నాడు. తాజాగా మరో మెగా ఛాన్స్‌ విజయ్‌సేతుపతి ఖాతాలో పడినట్లు తెలుస్తోంది. మెగా మేనల్లుడు 2 వైష్ణవ్‌ తేజ్‌ హీరోగా ఓ సినిమా తెరకెక్కుతోన్న సంగతి తెలిసిందే. మైత్రీ మూవీ మేకర్స్‌ బ్యానర్‌తో కలిసి సుకుమార్‌ ఈ సినిమాని నిర్మిస్తున్నారు. సుకుమార్‌ అసిస్టెంట్‌ బుచ్చిబాబు దర్శకుడు. 

కాగా ఈ సినిమాలో విలన్‌ పాత్ర కోసం విజయ్‌ సేతుపతిని ఎంచుకున్నట్లు టాలీవుడ్‌ సమాచారమ్‌. ఈ సినిమాలో హీరో ఫిషర్‌ మ్యాన్‌గా నటిస్తున్నాడు. లొకేషన్స్‌ అన్నీ పల్లెటూరి వాతావరణాన్ని ముఖ్యంగా లంక గ్రామాల్ని తలపించేలా ఉండనున్నాయి ఈ సినిమాలో. సో విలన్‌ పాత్రకు విజయ్‌సేతుపతి వంటి హీరో అయితే సెట్‌ అవుతాడని చిత్ర యూనిట్‌ భావిస్తోందట. 

అంతేకాదు, వైష్ణవ్‌ తేజ్‌ తెరంగేట్రం మూవీ కావడంతో ఫ్రెష్‌ అప్పీల్‌ తీసుకురావడం కోసం, విలన్‌గా విజయ్‌ సేతుపతిని ఎంచుకున్నారనీ తెలుస్తోంది. హీరోగా తమిళంలో మంచి విజయాలను అందుకుంటున్న విజయ్‌ సేతుపతి తెలుగులో డిఫరెంట్‌ రోల్స్‌తో ప్రత్యేక గుర్తింపు తెచ్చుకునేందుకు ప్రయత్నిస్తున్నాడు.