రాయ్‌ లక్ష్మీ ప్రధాన పాత్రలో తెరకెక్కుతోన్న సినిమా 'వేర్‌ ఈజ్‌ వెంకటలక్ష్మి'. ఇదేదో అడల్ట్‌ కామెడీ మూవీగా ఫస్ట్‌ ప్రొజెక్ట్‌ చేశారు. కానీ కాదు. రీసెంట్‌గా ట్రైలర్‌ వచ్చింది. ట్రైలర్‌లో కూడా అదే కంటెన్ట్‌తో స్టార్ట్‌ చేశారు. ఓ పల్లెటూరు.. అందులో ఓ యువ జంట. వారి మధ్య లవ్‌, హద్దులు దాటిన రొమాన్స్‌, లిప్‌ టు లిప్‌ కిస్‌ల దాకా బాగానే నడిచింది. ప్రవీణ్‌, మధునందన్‌ డబుల్‌ మీనింగ్‌ డైలాగులు.. ఇలా స్టార్ట్‌ అయిన ట్రైలర్‌ ఒక్కసారిగా హారర్‌ని టచ్‌ చేసింది.
లక్ష్మీరాయ్‌ క్యారెక్టర్‌ని మొదట హాట్‌ యాంగిల్‌లోనే చూపించారు. తర్వాత సడెన్‌గా హారర్‌ యాంగిల్‌లోకి మారిపోయింది. ట్రైలర్‌ సెకండ్‌ హాఫ్‌ సీరియస్‌ మోడ్‌లో కట్‌ చేశారు. ఇంతకీ 'వేర్‌ ఈజ్‌ వెంకటలక్ష్మి' ఎలాంటి మూవీ అంటే అక్షరాల హారర్‌ కామెడీ మూవీ అని అర్ధమైపోయింది. రాయ్‌ లక్ష్మితో పాటు ఈ సినిమాలో ప్రవీణ్‌, మధునందన్‌వి కీలక పాత్రలు.
త్వరలో ప్రేక్షకుల ముందుకు రానుంది ఈ సినిమా. 'రత్తాలు..' ఐటెం సాంగ్‌తో రాయ్‌ లక్ష్మికి ఆడియన్స్‌లో బాగా క్రేజ్‌ వచ్చేసింది. దాంతో ఆమె ప్రధాన పాత్రలో హీరోయిన్‌ సెంట్రిక్‌ మూవీస్‌ చాలానే సెట్స్‌పై ఉన్నాయి. 'వెంకటలక్ష్మి' సంగతిటుంచితే, 'ఝాన్సీ' అను మరో సినిమాలో రాయ్‌ లక్ష్మి పవర్‌ఫుల్‌ పోలీసాఫీసర్‌ పాత్రలో నటిస్తోంది. అలాగే నాగిని పాత్రలో 'నాగకన్య' మూవీ ఒకటి రిలీజ్‌కి రెడీగా ఉంది.
