నంద‌మూరి బాల‌కృష్ణ‌కు ఉన్న అభిమాన గ‌ణం గురించి ప్ర‌త్యేకంగా చెప్పాల్సిన ప‌ని లేదు. అత్య‌ధిక అభిమాన సంఘాలున్న క‌థానాయ‌కుడు బాల‌య్యే! సినీ సెల‌బ్రెటీలూ, రాజ‌కీయ నాయ‌కులు, వ్యాపార వేత్త‌లూ.. ఒక‌ర‌ని కాదు, అంద‌రూ బాల‌య్య‌ని అభిమానిస్తారు. అంతెందుకు.. ఆంధ్ర ప్ర‌దేశ్ ముఖ్య‌మంత్రి వై.ఎస్ జ‌గ‌న్ సైతం బాల‌య్య‌కు అభిమానే. ఈ విష‌యాన్ని జ‌గ‌న్ చాలా సంద‌ర్భాల్లో ప్ర‌స్తావించాడు. అయితే అందుకు ఓ సాక్ష్యం.. ఇప్పుడు సోష‌ల్ మీడియాలో చ‌క్క‌ర్లు కొడుతోంది.

OMG ! Is this one is True ? 😱#Balayya #Balakrishna #NandamuriBalakrishna #YSJagan @ysjagan @movies369 @NBKTrends @RaviAKP @manabalayya @Gopi_Krishna99 #SSR #SamaraSimhaReddy pic.twitter.com/1BSr6xKrRu

— Lakshmi Ramineni (@lakki_tweets) June 18, 2019

2000 లో బాల‌య్య‌కూ, స‌మ‌ర‌సింహారెడ్డి టీమ్‌కీ సంవ‌త్స‌ర శుభాకాంక్ష‌లు తెలుపుతూ అప్ప‌టి దిన పత్రిక‌ల‌లో భారీ ఎత్తున ప్ర‌క‌ట‌న‌లు వ‌చ్చాయి. అవ‌న్నీ అప్ప‌టి క‌డ‌ప జిల్లా బాల‌కృష్ణ అభిమాన సంఘం నాయ‌కుడైన జ‌గ‌న్ పేరు మీద వ‌చ్చిన‌వే. రాజ‌కీయాల‌లో రానంత వ‌ర‌కూ జ‌గ‌న్ బాల‌య్య అభిమాన సంఘంలో యాక్టీవ్‌గా ఉన్న సంగ‌తి ఈ ప్ర‌క‌ట‌నే చెప్పేసింది. ఇప్పుడు ఈ పేప‌ర్ క‌టింగ్ బాగా చ‌క్క‌ర్లు కొడుతోంది. `సీఎమ్ అయినా స‌రే.. బాల‌య్య‌కు ఫ్యానే క‌దా` అంటూ అభిమానులు ఈ పేప‌ర్ క‌టింగ్‌ని ట్రెండ్ చేస్తున్నారు.